पोखरा स्थित एक ब्यूटीपार्लरले आफ्नो वार्षिकोत्सवको अवसरमा निःशुल्क ब्युटीसियन तालिम दिने भएको छ ।

पोखरा १४, चाउथे स्थित गो गर्ल ब्यूटीपार्लरले वार्षिकोत्सवको अवसरमा आर्थिक अभावमा रहेका छात्रा तथा महिला लक्षित गरी तालिम सञ्चालन गर्न लागेको हो । ईच्छुकले पुस २० गतेभित्र ब्यूटीपार्लरमा सम्पर्क गर्न अनुरोध पनि गरेको छ ।

चाउथे स्थित पार्लरमै सञ्चालन हुने तालिममा १० जनालाई सहभागी गराईने पार्लरले जनाएको छ ।

पैसा अभावले विद्यालय÷कलेजमा अध्ययनलाई निरन्तरता दिन नसकेका तथा तालिम लिन नसकेका महिलाहरुका लागि निःशुल्क बेसिक ब्यूटीसियन तालिम दिने सञ्चालक लक्ष्मी खत्री पौडेलले बताइन् ।

पार्लरले गत बर्ष मानवसेवा आश्रममा रहेका बृद्धबृद्धाहरुलाई सहयोग गरेको थियो । २०७३ सालदेखि बिशेषगरी महिला श्रृङ्गारमा काम गर्दै आएको सञ्चालक पौडेलले बताइन् ।

आधुनिक प्रविधिका मेसिनहरुबाट अनुहारको स्कीन चेकजाँच गरी सही सल्लाह तथा उपचार गर्ने गरेको उनले सुनाईन् ।

नाम टिपाउने समय पुस २० गते सम्म पार्लरमा नै सम्पर्क गर्न अनुरोध गरिन् ।