रेबिज लागेका मृत जनावरहरु किनबेच गर्ने दुईजनालाई स्याङ्जा प्रहरीले पक्राउ गरेको छ । रेबिजको लक्षण देखिएका मृत जनावरहरु किनबेच गर्ने वालिङ्का दुईजनालाई पक्राउ गरिएको हो ।
पक्राउ पर्नेमा वालिङ् नगरपालिका – ५ का ५५ वर्षीय राजेन्द्र बहादुर केसी र ८ का ५० वर्षीय शंसुदिन मियाँ रहेका छन् ।
केसीले संक्रामक रोग रेबिजको लक्षण देखिएका घर पालुवा जनावरहरु एउटा भैंसी, एउटा भैंसीको पाडो, एउटा बाख्रा र एउटा बाख्राको पाठी बेचेका थिए भने मियाँले जनावरहरु खरिद गरेका थिए । संक्रामक रोग रेबिजको लक्षण देखिएका जनावरहरु किनबेच गरेका दुईजनालाई नै पक्राउ गरिएको प्रहरीले जनाएको छ ।
विशेष सूचनाका आधारमा जनावरहरु खरिद गरेर वालिङ्बाट भीरकोटतर्फ लैजाँदै गरेको अवस्थामा प्रहरीले मियाँलाई पक्राउ गरेको हो । सिद्धार्थ राजमार्गस्थित वालिङ् – १ मा मियाँले जनावरहरु लैजाँदै गरेको सवारीसाधन नियन्त्रणमा लिएर खानतलासी गर्दा प्रहरीले मृत जनावरहरु बरामद गरेको डिएसपी पौडेलले बताए ।
वालिङ् नगरपालिकाको पशु प्राविधिक टोलीले मृत भैंसीको परिक्षण गर्दा संक्रामक रोग रेबिजको लक्षण देखिएको पुष्टि भएको डिएसपी पौडेलले जानकारी दिए ।
पक्राउ परेका दुईजनालाई संक्रामक रोग फैलाउन नहुने कसुर मुद्दामा जिल्ला अदालत स्याङ्जाबाट म्याद थप गरेर आवश्यक अनुसन्धान अगाडि बढाइएको प्रहरीले जनाएको छ ।
सम्बन्धित खबर
चार वर्षमै अर्जुनचौपारीको शिक्षा क्षेत्रमा ठूलो फड्को
स्याङ्जामा बालबालिकालाई सारङ्गी सिकाइँदै, जोगाइँदै मौलिक संस्कृति
भरुवा बन्दुकसहित एक वृद्ध पक्राउ
गण्डकी प्रदेश प्रमुख भट्टसमक्ष मुस्लिम आयोगको वार्षिक प्रतिवेदन पेस
छैटौं टाइगर कपमा २२ लाख ६५ हजार रुपैयाँ बचत
आलु महोत्सव सकियाे, ५ करोडको कारोबार
यो पनि पढौँ
ओली र लेखकलाई पक्राउ गर्न ‘हतार’ भएको गृहमन्त्री सुधन गुरुङद्वारा स्वीकार
गण्डकीमा मन्त्रिमण्डल पुनर्गठनः एमाले र कांग्रेसबाट यी हुन् नयाँ मन्त्री
सरकारले फेरि बढायो डिजेल र इन्धनको मूल्य, कति पुग्यो ?
शेखरले गगनलाई स्वीकार्दै , शशांक र धनराजसहितले छोडे देउवा समूह