“जाउँ है पोखरा” अभियान अन्तर्गत पर्यटन व्यवसायीहरुले बर्दिबासमा अन्तरक्रिया गरेका छन् । होटल संघ पोखरा नेपालले दुई दशकअघि सुरु गरेको अभियानलाई निरन्तरता दिदै होटल संघ अहिले नेपालको पूर्वमा पुगेको छ ।

आन्तरिक पर्यटन विकासको लागि व्यावसायिक सहकार्य र पर्यटन प्रबर्द्धन गर्ने मुख्य उद्धेश्य लिएर देश दौडाहामा निस्केको टोलीले बुधबार बर्दिबासमा अन्तरक्रिया गरेको छ ।

अन्तरक्रियामा बोल्दै मधेस प्रदेशका वन उद्यग, बाणिज्य एवं पर्यटनमन्त्री सकिल अलि मियाले आन्तरिक पर्यटन प्रवर्द्धन गर्न आगामी दिनमा बजेटमै समेटेर अगाडि बढ्ने प्रतिबद्धता ब्यक्त गरे । उनले भने ” आगामी बजेट पारित हुनेबेला होटल ब्यवसायी संघ, उध्योग बाणिज्य संघ तथा स्थानीय सरकार र विज्ञहरुसङ सल्लाह, सुझाव लिन्छौ । र त्यसको लागि कहाँ कसरी अघि बढ्नुपर्छ हामी तयार छौ । चाहे त्यो मधेस घुम्मे कुरा होस, चाहे त्यो पोखरा जाने कुरा होस , चाहे त्यो बोर्डरसङ जोड्ने कुरा होस, अब हामी बजेटमै समेट्छौ ।”

आयोजक संघका अध्यक्ष एवं अभियानका संयोजक लक्ष्मण सुवेदीले अभियानका बारेमा जानकारी गराउदै बर्दिवासवासीलाई पोखरा घुम्न निम्तो दिए । उनले आन्तरिक पर्यटन प्रवर्द्धनका लागि बर्दिबाससङ सहकार्यका लागि आग्रह गरे ।

मधेसका प्रदेश सभा सदस्य सारदा देवी थापा, होटल तथा पर्यटन ब्यवसायी महासङका अध्यक्ष हिरा गौतम, होटल तथा पर्यटन ब्यवसायी महासङ महोत्तरीका अध्यक्ष गुन्जबहादुर कार्की, नाथम कलेजका प्रमुख शिबेन्द्र मलिक र होटल संघ नेपाल मधेस प्रदेशमा महासचिव दिपेन्द्र पराजुलीलगायतले अभियानको सफलताको शुभकामना ब्यक्त गर्दै पर्यटन प्रवर्द्धनमा तिनै तहको सरकारले निजी क्षेत्रसङै हातेमालो गर्दै अघि बढ्नु पर्नेमा जोड दिए ।

कार्यक्रममा उपस्तिथ सबैलाई धन्यवाद ज्ञापन गर्दै संघका उपाध्यक्ष गणेश पहारीले पर्यटन क्षेत्रको विकास र आपसी सिकाईका विषयमा दुई शहरका ब्यबसायी हातेमालो गरेर अगाडि बढ्न सकिनेमा जोड दिए । गण्डकी प्रदेश पर्यटन बोर्डको मुख्य प्रवर्द्धनमा आइतबार फागुन १८ देखि २२ गतेसम्म पूर्वी नेपालका जनकपुर, विर्तामोड, इटहरी, बर्दिबास र हेटौंडा जस्ता शहरमा अभियान सञ्चालन गरेको छ ।