स्याङ्जाको वालिङ् खेलमैदानमा प्रथम पिङ्क सिटी महोत्सव कप सुरु भएको छ । वालिङ् चेम्बर अफ कमर्सद्वारा आयोजित प्रथम पिङ्क सिटी महोत्सवको अवसरमा स्याङ्जा जिल्ला पालिका स्तरीय पुरुष भलिबल प्रतियोगिताको प्रथम पिङ्क सिटी महोत्सव कप आजदेखि सुरु भएको हो ।
उक्त कपको सुरुवातमा वालिङ् र चापाकोट नगरपालिकाबीच प्रतिस्पर्धा भएको थियो । वालिङ्ले चापाकोट नगरपालिकालाई ३ – १ को सेटमा पराजित गर्दै विजयी सुरुवात गरेको छ । वालिङ्ले चापाकोटमाथी २५ – २३, २७ – २९, २५ – २२ र २५ – १९ को अङ्कले जित हासिल गरेको हो ।
प्रतियोगितामा वालिङ्, चापाकोट, गल्याङ, भीरकोट नगरपालिका र बिरुवा, कालीगण्डकी गाउँपालिकाको सहभागिता रहेको छ । यस प्रतियोगितामा पालिका बाहिरका तीनजना खेलाडी समावेश गर्न पाइने खेल संयोजक उमराज गुरुङले बताए ।
चैत २ गतेसम्म चल्ने प्रतियोगिताको विजेता टिमले एक लाख ५५ हजार रुपैयाँ र उपविजेताले एक लाख पाँच हजार रुपैयाँ नगदसहित शिल्ड, मेडल र प्रमाणपत्र पाउनेछन् ।
यस्तै, तेस्रो हुने टिमले ५५ हजार र चौथों हुनेले ३० हजार रुपैयाँ नगदसहित शिल्ड, मेडल र प्रमाणपत्र पाउनेछन् ।
प्रतियोगिता अवधिभर उत्कृष्ट खेल प्रदर्शन गर्ने खेलाडी मध्ये व्यक्तिगत विधातर्फ सर्वोत्कृष्ट खेलाडीलाई पाँच हजार रुपैयाँ नगद र बेस्ट स्पाइकर, बेस्ट सेटर, बेस्ट सर्भर, बेस्ट ब्लकर र बेस्ट डिफेन्डरलाई तीन/तीन हजार रुपैयाँ नगद प्रदान गरिने खेल संयोजक गुरुङले बताए ।
सम्बन्धित खबर
स्याङ्जामा १९७ क्षयरोगका बिरामी, ७ को मृत्यु
राजस्व नीतिलाई लगानी तथा व्यवसायमैत्री बनाउन व्यवसायीको सुझाव
स्वतन्त्र गरिमालाई जोगाइरहनु लोक सेवा आयोगको चुनौतीः प्रदेश प्रमुख भट्ट
पृथ्वीनारायण क्याम्पसमा मतगणना: एमाले अखिललाई सुरूआती अग्रता
बागलुङको लामीचौरमा ४२ वर्षपछि खानेपानी सुविधा
इन्स्पेक्टर सन्तोषी मृत्यु प्रकरणः इन्स्पेक्टर पछि हवल्दार पनि पक्राउ, अदालतमा मुद्दा दर्ता
यो पनि पढौँ
पोखरा महानगरका कर्मचारी गिरी २५ हजार घुससहित पक्राउ
पोखराको सिर्जना बहिरा माविमा दुई छात्रालाई गर्भवती बनाएको आरोपमा दुई छात्र पक्राउ
नेविसंघको वर्चस्व रहेको धवलागिरी क्याम्पसमा गठबन्धनबाट अनेरास्ववियुकी शेख विजयी
पोखराको छोरेपाटनबाट लागू औषधसहित ३ जना पक्राउ