स्याङ्जाका प्रमुख जिल्ला अधिकारीको सरुवा भएको छ । यससङ्गै मन्त्रालयका सहसचिव ईश्वरीप्रसाद अर्याल जिल्ला प्रशासन कार्यालय स्याङ्जाको प्रमुख जिम्मेवारी लिएर आउँदै छन् ।

स्याङ्जाका सीडीओ नेपालको गृह मन्त्रालयमा सरुवा भएसङ्गै स्याङ्जाले नयाँ सीडीओमा अर्याललाई पाउने भएको हो ।

अर्घाखाँची घर भएकी नेपाल २०६१ सालमा अधिकृतमा नाम निकालेर सरकारी सेवामा प्रवेश गरेकी थिइन् । उनले यसअघि जिल्ला प्रशासन कार्यालय सिन्धुली र प्युठानमा जिम्मेवारी सम्हालीसकेकी छन् ।

पाँच सीडीओसहित १० सहसचिवको सरुवा

गृह मन्त्रालयले पाँच जना प्रमुख जिल्ला अधिकारी (सीडीओ) सहित १० जना सहसचिवको सरुवा गरेको छ । शुक्रबार मन्त्रालयले ईश्वरीप्रसाद अर्याललाई स्याङ्जा, लक्ष्मण ढकाललाई कंचनपुर, वेद प्रसाद खरेललाई अर्घाखाँची, माधव प्रसाद पोखरेललाई लमजुङ, दिपकराज नेपाललाई प्युठानको सीडीओमा सरुवा गरेको छ ।

यसैगरी, स्याङ्जाका प्रजिअ सुनिता नेपाल, कंचनपुरका प्रजिअ नारायणप्रसाद सापकोटा, अर्घाखाँचीका प्रजिअ बाबुराम आचार्य, लमजुङका प्रजिअ बुद्ध बहादुर गुरुङ, प्युठानका प्रजिअ रमा आचार्य (सुवेदी) लाई गृह मन्त्रालयमा सरुवा गरिएको छ ।