पोखरा । राष्ट्रिय स्वास्थ्यकर्मी महासंघ गण्डकी प्रदेशको दोस्रो अधिवेशनबाट डिल्लीराज आचार्यको अध्यक्षतामा नयाँ कार्यसमिति निर्वाचित भएको छ।

शनिबार पोखरामा सम्पन्न अधिवेशनले सर्वसम्मत रूपमा प्रदेश कार्यसमिति निर्वाचित गरेको हो।

नवनिर्वाचित कार्यसमितिमा उपाध्यक्ष (महिला) राधिका रेग्मी सान्भी, उपाध्यक्ष (पुरुष) रविन्द्र बस्ताकोटी, सचिव प्रितम थापा, कोषाध्यक्ष अर्जुन क्षेत्री, उपसचिव (महिला) नितु गुरुङ र उपसचिव (पुरुष) ओमबहादुर महतो रहेका छन्।

त्यसैगरी खुला सदस्यतर्फ डा. रोशन पंगेनी, चन्द्रकान्त यादव, प्रविण खनाल, सन्तोषबाबु सुवेदी, केशव पौडेल, विष्णुनाथ सापकोटा र उमेश सर्बुजा निर्वाचित भएका छन्।

जिल्लाबाट निर्वाचित हुने प्रतिनिधिहरूको नाम भने सार्वजनिक गरिएको छैन।

महासंघले प्रदेशभरका स्वास्थ्यकर्मीहरूको हकहितका विषयमा आवाज उठाउँदै आएको छ। अधिवेशनमा विभिन्न जिल्लाबाट आएका प्रतिनिधिहरूको उपस्थिति रहेको थियो।