पोखरा वडा नं. ५, पर्स्याङ स्थित शान्ति निकेतन माविले गणतन्त्र दिवसको अवसरमा पुरस्कृत आफ्ना विद्यार्थी प्रतिमा पौडेललाई बधाई ज्ञापन गरेको छ ।

विद्यालयका संस्थापक प्राचार्य डा. महेश्वर पराजुलीले विद्यालयकी मेधावी विद्यार्थी प्रतिमा शिक्षा विकास निर्देशनालय, पोखराद्वारा आयोजित वक्तृत्वकला प्रतियोगितामा द्वितीय स्थान प्राप्त गर्दै पुरस्कृत भएकोमा बधाई ज्ञापन गरेका हुन् ।

गणतन्त्र दिवसको महत्व विषयक प्रतियोगितामा द्वितीय स्थान हासिल गर्दै प्रतिमाले नगद आठ हजार प्राप्त गरिन् । गणतन्त्र दिवस मूल समारोहका अवसरमा गण्डकी प्रदेशका प्रदेश प्रमुख डिल्लीराज भट्टले प्रतिमा लगायत पुरस्कृत विद्यार्थीलाई पुरस्कार हस्तान्तरण गरे ।

पोखराको एक उत्कृष्ट पठनपाठन हुने विद्यालय शान्ति निकेतनका विद्यार्थीहरूले शैक्षिक अलावा अतिरिक्त क्रियाकलापमा आफूलाई अब्बल प्रमाणित गर्दै आएका छन् ।