मवकानपुर । मवकानपुरमा खुर्पा प्रहारबाट एक जनाको मृत्यु भएको छ ।

आज बिहान ५ बजे बागमती गाउँपालिका ९ बेतिनीका ५७ वर्षीय रामबहादुर वाइबामाथि धारिलो हतियार खुर्पा प्रहार भएको जिल्ला प्रहरी कार्यालय मकवानपुरले जनाएको छ ।

प्रहरीका अनुसार बेतिनीस्थितमा स्वास्थ्य चौकीमा कार्यरत कार्यालय सहयोगी बाराको निजगढ नगरपालिका–३ सिंगोल बस्ने ३५ वर्षीय कुमार थापाले वाइबामाथि खुर्पा प्रहार गरेका हुन् ।

खुर्पा प्रहारबाट गम्भीर घाइते वाइबाको आज बिहान करिब ८ बजे उपचारका क्रममा बेतिनी स्वास्थ्य चौकीमै मृत्यु भएको हो । उनको शव हेटौंडा अस्पताल पठाइएको छ ।

थापाले वाइबामाथि खुर्पा प्रहार गरेपछि कोही नजिक आए मार्ने धम्की दिएर गाउँमा आतंक फैलाएका थिए ।

घटनास्लथलमा खटिएका इलाका प्रहरी कार्यालयका फापरबारीका इञ्चार्ज प्रहरी निरीक्षक पावलसिंह लामाको टोलीले आरोपित थापालाई नियन्त्रणमा लिएको छ ।

घटना बारे थप अनुसन्धान भइरहेको प्रहरीले जनाएको छ ।