पोखरा । पोखरामा सवारी चालक अनुमतिपत्रको परिक्षामा अर्काको नाममा परीक्षा दिने नक्कली परिक्षार्थी पक्राउ परेका छन्।

सोमबार बाग्लुङको जिल्लाको बाग्लुङ नगरपालिका वडा नं. ५ अमलाचौर स्थायी घर भई पर्वत जिल्लाको कुश्मा नगरपालिका वडा नं. ६ बस्ने वर्ष ३३ को मोहम्मद रहिमलाई पक्राउ गरेको हो ।

यातायात व्यवस्था कार्यालय सवारी चालक अनुमतिपत्र कास्की गण्डकी प्रदेश, पोखराबाट संचालन भएको वर्ग B (Car, Jeep, Delivery Ven) को प्रयोगात्मक परीक्षामा अरुको नामको परिक्षा दिईरहेको भन्ने सूचनाको आधारमा जिल्ला प्रहरी कार्यालय कास्कीबाट खटिएको
टोलिले उनलाई पक्राउ गरेको हो ।

मोहम्मदले आवेदक नं. ६८९६२२९ का परिक्षार्थी कुमार भण्डारीको नेपाली नागरिकताको प्रमाण पत्रमा आफ्नो फोटो टाँस गरी कुमार भण्डारीको परिक्षा दिईरहेको भेटिएकोले उनलाई पक्राउ गरेको जिल्ला प्रहरी कार्यालय कास्कीले जनाएको छ ।

पक्राउ परेका उनलाई कास्की जिल्ला अदालतबाट लिखत सम्बन्धी कसूरमा ७ दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।