पोखरा । विद्यार्थीहरुको पढाइ सँगसंगै अतिरिक्त क्रियाकलापमा अब्बल बनाउने उद्देश्यले पोखराको नदीपुरमा अवस्थित प्रतिभा माध्यमिक विद्यालयले प्रतिभा प्रस्फुटन कार्यक्रम सम्पन्न गर्‍यो ।

आइतबार कक्षा ४ र ५ तथा सोमबार कक्षा २ र ३ का विद्यार्थीहरूले कक्षागत रुपमा आफ्ना प्रतिभाहरु प्रस्तुत गरेका थिए ।

विद्यालयका फाइनान्स डाइरेक्टर विश्वगोपाल पराजुलीको प्रमुख आतिथ्यतामा सम्पन्न उक्त कार्यक्रममा पराजुलीले विद्यार्थीहरुको प्रतिभालाई उजागर गर्नका लागि विद्यालयले समय समयमा विद्यार्थी केन्द्रित कार्यक्रम गर्दै आइरहेको बताए ।

विद्यार्थीहरुको विभिन्न संस्कृति झल्कने नृत्यबाट आफू अत्यन्त हर्षित भएको पराजुलीले बताए । बालबालिकाहरू प्रकृतिका एउटा अनुपम उपहार भएको बताउँदै उनीहरुले आफ्नो क्षमतालाई समयमै चिनेर अघि बढ्नुपर्ने उनले बताए ।

विद्यार्थीहरूले विभिन्न जातजाति, क्षेत्र, सामाजिक तथा विविध सांस्कृतिक झल्कने नृत्यहरुमा आफ्नो प्रतिभा प्रस्तुत गरेका थिए । गायनमा अब्बल विद्यार्थीहरूले गीत प्रस्तुत गरे ।

४ वटै कक्षाको बेग्लाबेग्लै कार्यक्रममा सम्बन्धित कक्षाका  विद्यार्थीहरूले  अध्यक्षता ग्रहण, स्वागत र सञ्चालन गरेका थिए ।

कार्यक्रममा सहायक प्रिन्सिपल प्रदीप खनालले पनि प्रतिभा अवलोकन गरेका थिए ।