नदिजन्य पदार्थको अवैध उत्खनन तथा ढुवानीमा संलग्न ६ ट्याक्टरलाई स्याङ्जा प्रहरीले एकै दिन नियन्त्रणमा लिएर कारबाही गरेको छ ।
पुतलीबजार नगरपालिका वडा नं. १३ र वडा नं. १० जोड्ने झोलुङ्गे पुलदेखि करिब ९० मिटर तल आँधीखोलाबाट ढुङ्गा तथा बालुवा निकालेको ग १ त ६७६७ र ग १ त ६५४३ नम्बरका ट्याक्टरलाई २०/२० हजार रुपैयाँ जरिवाना गरिएको प्रहरीले जनाएको छ ।
त्यसैगरी, भीरकोट नगरपालिका –४ छ्याङ्छाङदी क्षेत्रमा अवैध निकासीमा संलग्न ग १ त ७६७०, लु ३ त ४८९७, ग १ त ५९७५ र लु ३ त ९३८२ नम्बरका ट्याक्टर पनि नियन्त्रणमा लिइएका छन् ।
नियन्त्रणमा लिइएका सवारीसाधनलाई सम्बन्धित पालिकामा कारबाहीका लागि पठाइएको जिल्ला प्रहरी कार्यालय स्याङ्जाका प्रहरी निरीक्षक सागर कार्कीले जानकारी दिए । उनका अनुसार भीरकोटबाट अवैध बालुवा निकासीमा संलग्न ग १ त ७६७० र लु ३ त ४८९७ नम्बरका ट्याक्टरलाई नगरपालिकाले १०/१० हजार रुपैयाँ जरिवाना गराएको छ भने अन्य दुई ट्याक्टर कारबाही प्रक्रियामा रहेका छन् ।
स्थानीय पालिकासँग समन्वय गर्दै अवैध रूपमा गिट्टी, ढुङ्गा र बालुवा उत्खनन तथा ढुवानी गर्ने ट्याक्टर, टिप्पर लगायतका सवारीमाथि निरन्तर कारबाही जारी राखिएको प्रहरीले जनाएको छ ।
सम्बन्धित खबर
निर्वाचन प्रहरी भर्नाको समय दुई दिन थप
आँधीखोला राष्ट्रपति रनिङ शिल्डको उपाधि त्रि–शहिद माविलाई
लागूऔषध मुद्दामा फरार रहेका दुई प्रतिवादीसहित तीन जना पक्राउ
निर्वाचनलाई लक्षित गर्दै स्याङ्जामा अवैध हतियार बुझाउन प्रशासनको आग्रह
तेस्रो चापाकोट महोत्सवमा राष्ट्रिय ओपन भेट्रान्स पुरुष भलिबल प्रतियोगिता हुँदै
भीरकोट नगरसभाबाट दुई ऐन पारित
यो पनि पढौँ
अर्जुनचौपारीमा जबरजस्ती करणी आरोपमा एक जना पक्राउ
गायक प्रशान्त तामाङ रहेनन्
पोखरा ३३ मा ल्याण्डफिल साइटको विरोधः वडाध्यक्षले खुकुरी नचाएपछि पक्राउ
विशेष महाधिवेशनको नाममा पार्टी फुटाएपछि कांग्रेसका ५ प्रदेश र ४८ जिल्ला सभापतिको असहमति