अवैध रूपमा नदिजन्य पदार्थ उत्खनन तथा ओसारपसार गर्दै गरेका तीन वटा ट्याक्टरलाई प्रहरीले नियन्त्रणमा लिएको छ ।
जिल्ला प्रहरी कार्यालय स्याङ्जा र प्रहरी चौकी दहथुमबाट खटिएको संयुक्त टोलीले विभिन्न स्थानमा चेकजाँचका क्रममा ती ट्याक्टरहरू फेला पारी आवश्यक अनुसन्धान र कानुनी कारबाहीका लागि सम्बन्धित स्थानीय तहमा बुझाएको प्रहरी निरीक्षक कमल नेपालीले जानकारी दिए ।
प्रहरी निरीक्षक नेपालीका अनुसार २०८२ साल मंसिर २ गते भीरकोट नगरपालिका–४ छ्याङछ्याङ्दीस्थित सिद्धार्थ राजमार्गमा चेकजाँच गर्दा लु ३ त ४९६० र ग १ त ४४८९ नम्बरका ट्याक्टरले बालुवा ओसारपसार गरिरहेको भेटिएको थियो । दुवै ट्याक्टरलाई नियन्त्रणमा लिई भीरकोट नगरपालिकाको कार्यालयमा पठाइएको र जनही १० हजार रुपैयाँ जरिवाना गरिएको छ ।
यसैगरी, मंसिर ३ गते आँधीखोला गाउँपालिका–५ सेतिदोभान गेट पुल नजिक चेकजाँचका क्रममा ग १ त ३१७८ नम्बरको ट्याक्टर ढुङ्गा ओसारपसार गर्दै गरेको अवस्थामा नियन्त्रणमा लिइएको छ । उक्त ट्याक्टरलाई अनुसन्धान तथा कानुनी कारबाहीका लागि आँधीखोला गाउँपालिकाको कार्यालयमा बुझाइएको र हाल कारबाही प्रक्रिया अगाडि बढाइएको प्रहरीले जनाएको छ ।
प्रहरीले अवैध उत्खनन र ओसारपसारका गतिविधिले वातावरण र सार्वजनिक पूर्वाधारमा असर पुर्याउने भन्दै यस्ता कार्यविरुद्ध निगरानी र कारबाहीलाई निरन्तरता दिइने जनाएको छ ।
सम्बन्धित खबर
भीरकोटमा निःशुल्क स्वास्थ्य शिविर, झण्डै पाँच सयले पाए सेवा
मालुङ्गामा मृत अवस्थामा चितुवा भेटियो
स्याङ्जामा आर्थिक गणनाको आधार तयार, नयाँ कार्यालयबाट तथ्यांक संकलन सुरु
ग्रामीण सडकमा ट्राफिक सचेतना अभियान सुरु, दुर्घटना घटाउने लक्ष्य
भीरकोटमा निःशुल्क स्वास्थ्य शिविर, विशेषज्ञ सेवा एकै ठाउँमा
६ वर्षको सजाय बाँकी रहेका फरार कसूरदार पक्राउ
यो पनि पढौँ
रास्वपाका नवनिर्वाचित दुई सांसदविरुद्ध सर्वोच्चमा रिट
कर्मचारीलाई शहरी विकास मन्त्रीको बिदाइ सम्बोधन– ‘म हारेँ, तपाईंहरूले जित्नुभयो, खुसी मनाउनुस्, भोज खानुस्’
आगामी तीन दिन भारी वर्षा र हुरीको सम्भावना, सचेत रहन आग्रह
यूएईमा इरानी मिसाइल र ड्रोन आक्रमणमा ७ जनाको मृत्यु