स्याङ्जाको चापाकोट नगरपालिका–९ स्थित सुन्तलीटार खेलमैदानमा यही पौष २५ गतेदेखि चलिरहेको तेस्रो चापाकोट महोत्सव–२०८२ अन्तर्गत राष्ट्रिय ओपन भेट्रान्स पुरुष भलिबल प्रतियोगिता–२०८२ आयोजना हुने भएको छ ।
चापाकोट उद्योग वाणिज्य संघको आयोजनामा “स्वास्थ्यका लागि खेलकुद, राष्ट्रका लागि खेलकुद” भन्ने नारासहित हुन लागेको प्रतियोगिता पौष ३० गतेदेखि माघ ६ गतेसम्म सुन्तलीटार खेलमैदानमा सञ्चालन हुनेछ ।
प्रतियोगितामा प्रथम हुने टोलीले एक लाख १५ हजाफ ५५५ रुपैयाँ नगदसहित ट्रफी, मेडल र प्रमाणपत्र प्राप्त गर्नेछ । द्वितीय, तृतीय र सान्त्वना हुने टोलीलाई क्रमशः ६६ हजार ६६६, ३३ हजार ३३३ र ११ हजार १११ रुपैयाँ नगदसहित ट्रफी, मेडल र प्रमाणपत्र प्रदान गरिने आयोजकले जनाएको छ ।
त्यसैगरी, उत्कृष्ट स्पाइकर, ब्लकर, सेटर, डिफेन्सर र सर्भरलाई जनही दुई हजार रुपैयाँ नगदसहित ट्रफी, मेडल र प्रमाणपत्र प्रदान गरिनेछ । प्रतियोगिताको उत्कृष्ट खेलाडीले तीन हजार रुपैयाँ नगदसहित ट्रफी, मेडल र प्रमाणपत्र पुरस्कार पाउनेछन् ।
प्रतियोगितामा सहभागी हुन खेलाडीको जन्ममिति वि.सं. २०४४ फागुन १० गतेभन्दा अगाडिको हुनुपर्ने नियम तोकिएको छ । प्रतियोगिताले स्थानीय खेलकुद प्रवर्द्धनसँगै चापाकोटको पहिचानलाई राष्ट्रिय स्तरमा चिनाउन मद्दत पुग्ने आयोजकले विश्वास व्यक्त गरेको छ ।
सम्बन्धित खबर
रोमानियामा हृदयघातबाट निधन भएका स्याङ्जाका रमेश थापाको परिवारलाई ३ लाख बढी सहयोग हस्तान्तरण
महेन्द्रपुलमा रहेको काठमाडौं फ्रेस बेकरीले अखाद्य सामाग्री बेचेपछि २० हजार जरिवाना
अनुशासन र सदाचार प्रणालीको विकास गर्नु आजको आवश्यकताः प्रदेश प्रमुख भट्ट
स्याङ्जामा आचारसंहिता उल्लंघनबारे आयोगको कडाइ, प्रचार सामग्री र घरदैलोमा प्रतिबन्धको स्मरण
महाशिवरात्रीमा नवग्रह मन्दिरमा प्रथम स्याङ्जा अन्तरविद्यालय भजन प्रतियोगिता एवं दीप प्रज्वलन हुने
बैंकिङ कसुर मुद्दाका फरार प्रतिवादी महिला पक्राउ
यो पनि पढौँ
महेन्द्रपुलमा रहेको काठमाडौं फ्रेस बेकरीले अखाद्य सामाग्री बेचेपछि २० हजार जरिवाना
पोखरा र भैरहवा अन्तर्राष्ट्रिय विमानस्थल नचल्नुमा चीन कारण होइन: लियाङ
रवि लामिछानेको कार्यक्रममा नवलपरासी प्रशासनले लगायो रोक !
त्रिभुवन अन्तर्राष्ट्रिय विमानस्थल क्षेत्रमा आजदेखि एक महिना निषेधाज्ञा