तस्बिर: स्याङ्जा क्षेत्र नं. २ को निर्वाचन अधिकृतको कार्यालयमा मनोनयन दर्ता गर्दै नेपाली काङ्ग्रेसका उम्मेदवार भागवत प्रकाश मल्ल
आगामी फागुन २१ गते हुने प्रतिनिधिसभा निर्वाचनका लागि स्याङ्जा क्षेत्र नम्बर २ बाट १५ जनाले उम्मेदवारी दर्ता गराएका छन् । निर्वाचन क्षेत्र २ निर्वाचन अधिकृतको कार्यालयका अनुसार ११ जना विभिन्न राजनीतिक दलका र चार जना स्वतन्त्र उम्मेदवार रहेका छन् ।
नेकपा (एमाले) बाट कालीगण्डकी गाउँपालिका–५ का खिम बहादुर थापा, नेपाली कांग्रेसबाट चापाकोट नगरपालिका–५ का भागवत प्रकाश मल्ल र राष्ट्रिय स्वतन्त्र पार्टीबाट वालिङ नगरपालिका–१४ का झविलाल डुम्रे उम्मेदवार बनेका छन् । यस्तै, नेपाली कम्युनिस्ट पार्टी (नेकपा) बाट कालीगण्डकी–४ का पदमबहादुर विकले पनि उम्मेदवारी दर्ता गराएका छन् ।
अन्य दलतर्फ राष्ट्रिय प्रजातन्त्र पार्टीबाट वालिङ–१३ का रविन पाठक, मंगोल नेशनल अर्गनाइजेसनबाट चापाकोट–९ का खर्क बहादुर थापा, नेशनल रिपब्लिक नेपालबाट वालिङ–१० का तेजबहादुर थापा र राष्ट्रिय जनमुक्ति पार्टीबाट कालीगण्डकी–४ का हरिदेव थापा उम्मेदवार छन् ।
यसैगरी जय मातृभूमि पार्टीबाट चापाकोट–३ का धनबहादुर थापा, प्रगतिशील लोकतान्त्रिक पार्टीबाट वालिङ–१ का टिकाराम रेग्मी र राष्ट्रिय जनमोर्चा पार्टीबाट वालिङ–१० का राजेन्द्रप्रसाद गैरेले पनि उम्मेदवारी दर्ता गराएका छन् ।
स्वतन्त्र उम्मेदवारका रूपमा चापाकोट–२ का सागर थापा मगर, वालिङ–९ का दिलिप श्रेष्ठ, वालिङ–१४ का खिम बहादुर क्षेत्री र कालीगण्डकी–४ का घनश्याम पाण्डे मैदानमा उत्रिएका छन् । निर्वाचन क्षेत्र नम्बर २ का निर्वाचन अधिकृत ॠषि पौडेलका अनुसार सबै उम्मेदवारले आवश्यक कानुनी प्रक्रिया पूरा गरी दर्ता गरेका हुन् ।
उम्मेदवारी दर्तापछि उम्मेदवारहरूले देश र जनताको हितलाई प्राथमिकतामा राखेर चुनावी प्रतिस्पर्धामा सहभागी भएको प्रतिक्रिया दिएका छन् । दर्ताका क्रममा ठूला दलका उम्मेदवार बाजागाजा र समर्थकसहित उपस्थित हुँदा साना दल र स्वतन्त्र उम्मेदवार भने सीमित प्रस्तावक–समर्थकका साथ शान्त रूपमा कार्यालय पुगेका थिए ।
सम्बन्धित खबर
मुकुलको प्रश्न : ‘भोलि बालेन्द्र प्रधानमन्त्री हुँदा कोही संसद् भवन जलाउन आए प्रहरीले के गर्छ?’
चुनावी सभामा बीबीसीको डकुमेन्ट्री प्रसारण गर्ने भारतीय गाडीसहित रास्वपा कार्यकर्ता पक्राउ
जेनजी अभियन्ता तनुजाका ९ प्रश्न: शान्तिपूर्ण प्रदर्शनको दिशा कसले बदल्यो? सिंहदरबार जलाउन कसले उक्सायो?
मतदानमा दुई लाख २१ हजार कर्मचारी खटिँदै
कार्की नेतृत्वको आयोगको प्रतिवेदन फागुन २२ भित्रै सार्वजनिक गर्न जेनजी फ्रन्टको माग
रविप्रति गगनको कटाक्ष ‘नक्कली शरणार्थीको कागज बनाएर मस्ती मारिरहेकाहरू देश बनाउँछु भन्दै नाटक गर्दैछन्’
यो पनि पढौँ
धादिङ बस दुर्घटना: १९ मृतकको पहिचान खुल्यो, मृतक तीन विदेशी
धादिङमा बस दुर्घटनाः मृतकको सङ्ख्या १९ पुग्यो, २२ बढी घाइते
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
चुनावमा तीन दिन बिदा दिन सरकारलाई आयोगको सिफारिस