आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै स्याङ्जाका ५६ वटा मतदान स्थललाई अति संवेदनशीलको सूचीमा राखिएको छ । जिल्लामा रहेका कुल १ सय ९९ मतदान स्थलमध्ये ७१ वटा संवेदनशील र ७२ वटा सामान्य सूचीमा परेका छन् ।
जिल्ला सुरक्षा समितिले जिल्लाका सबै मतदान स्थलको अवस्था मूल्यांकन गरी सुरक्षाको अवस्था, भौगोलिक बनावट र विगतका गतिविधिलाई आधार मानेर सबै मतदानस्थललाई अति संवेदनशील, संवेदनशील र सामान्य गरी तीन तहमा वर्गीकरण गरी केन्द्रमा सिफारिस गरिएको जिल्ला सुरक्षा समितिका अध्यक्ष तथा प्रमुख जिल्ला अधिकारी ईश्वरीप्रसाद अर्यालले जानकारी दिए ।
प्रजिअ अर्यालका अनुसार सडक र यातायातको पहुँच, भौगोलिक अवस्था, सूचना तथा सञ्चारको पहुँच, अघिल्ला निर्वाचनमा देखिएका गतिविधि र समग्र सुरक्षा अवस्थालाई मुख्य आधार बनाएर संवेदनशीलता निर्धारण गरिएको हो । उनले भने, “मतदान स्थलको प्रकृतिअनुसार फरक–फरक सुरक्षा योजना बनाइएको छ । निर्वाचन शान्तिपूर्ण र निष्पक्ष बनाउनेतर्फ प्रशासनको तयारी केन्द्रित छ ।”
निर्वाचनलाई स्वच्छ, निष्पक्ष र भयरहित वातावरणमा सम्पन्न गर्नका लागि जिल्लाका दुवै निर्वाचन क्षेत्रमा रहेका राजनीतिक दल, उम्मेदवार र स्वतन्त्र उम्मेदवारहरूले प्रतिबद्धता जनाएको पनि प्रशासनले जनाएको छ ।
मतदानस्थलको अवस्थाबारे यथार्थ जानकारी लिन जिल्ला सुरक्षा समिति, निर्वाचन अनुगमन समिति र निर्वाचन अधिकृतको संयुक्त टोलीले स्थलगत अध्ययन तथा अवलोकन गरिरहेको छ ।
दुई निर्वाचन क्षेत्र रहेको स्याङ्जामा १९९ मतदान स्थलमा यसपटक ३ सय २२ मतदान केन्द्र तोकिएका छन् । अघिल्लो निर्वाचनको तुलनामा यस वर्ष दुई मतदान केन्द्र थपिएका जिल्ला निर्वाचन कार्यालय स्याङ्जाका प्रमुख श्रीराम थापाले जानकारी दिए । जिल्ला कारागार स्याङ्जामा भने एक अस्थायी मतदान स्थलको व्यवस्था गरिएको छ ।
यस निर्वाचनमा दुई लाख ४८ हजार ८१६ मतदाताले मतदान गर्न पाउनेछन् । जिल्लामा पुरुष मतदाता १ लाख २२ हजार ४६४, महिला मतदाता १ लाख २६ हजार ३५१ रहेका छन् भने अन्य समूहका एक जना मतदाता पनि सूचीमा समावेश छन् ।
निर्वाचन क्षेत्र नं १ मा १ लाख ३० हजार ८८६ र निर्वाचन क्षेत्र नं २ मा १ लाख १७ हजार ९३० मतदाता रहेको निर्वाचन कार्यालयले जनाएको छ ।
सम्बन्धित खबर
भैरहवाबाट पोखरा आउँदै गरेको बसमा सवार एक युवक लागुऔषधसहित पक्राउ
भैरहवाबाट पोखरा आउँदै गरेको बसमा सवार एक युवकबाट लागुऔषध बरामद
कोदो फल्ने बारीमा सयपत्री
स्याङ्जामा राति १० बजेपछि देउसी–भैलो खेल्न रोक
सम्झौता भएको ६ वर्ष बित्दा पनि बनेनन् स्याङ्जाका ३ आयुर्वेद औषधालयका भवन
स्याङ्जा प्रशासनमा अब सेवाग्राहीलाई स्वास्थ्य सेवा पनि
यो पनि पढौँ
नेपाल जेसीजको राष्ट्रिय उपाध्यक्षमा पोखराका सुमन पहारीको उम्मेदवारी
गण्डकी प्रदेश खेलकुद परिषद्का सदस्य सचिव श्रीधर शर्मा बर्खास्त, उपसचिव परियारलाई जिम्मेवारी
दानबहादुर कार्कीलाई सरकारले आइजीपीबाट हटायो, कानुनी जटिलताबाट बच्न नयाँ जिम्मेवारी सुरक्षा सल्लाहकार !
पदावधि बाँकी रहेका पदमुक्त आइजीपी कार्की कानुनी उपचार खोज्न छलफलमा