लमजुङको दोर्दी गाउँपालिका–१ भारतेको ढिनगाउँ लाँकुरीभञ्ज्याङमा ढुंगा बोकेको ट्याक्टर पल्टिँदा चालकको मृत्यु भएको छ ।
प्रहरीका अनुसार ग१त ४३९४ नम्बरको ट्याक्टर शुक्रबार बिहान करिब पौने ११ बजेतिर ब्रेक फेल भएर दुर्घटनामा परेको हो । दुर्घटनामा नुवाकोट घर भई हाल सुन्दरबजार नगरपालिका–६ बस्दै आएका अन्दाजी ३७ वर्षीय शेरबहादुर तामाङको मृत्यु भएको प्रहरीले जनाएको छ ।
ढुंगा लोड गरेर गन्तव्यतर्फ जाने तयारीमा रहेको ट्याक्टर एक्कासी ब्रेक फेल भई पल्टिएको प्रहरीले जनाएको छ । ट्याक्टरको अगाडिको इञ्जिनसहितको भाग माथि उठेर झर्दा चालक बसेको सिट च्यापिएको र त्यसैमा परी तामाङको मृत्यु भएको प्रहरी स्रोतले बताएको छ ।
दोर्दी गाउँपालिका–१ का वडाअध्यक्ष लक्ष्मीप्रसाद अधिकारीका अनुसार उक्त ट्याक्टर सडक सोलिङ तथा ढलानस्थल देउरालीतर्फ ढुंगा लैजान तयारी अवस्थामा रहेको थियो । ओट लगाउने क्रममा ट्याक्टर पछाडि सर्दै पल्टिएको जानकारी प्राप्त भएको उनले बताए ।
जिल्ला प्रहरी कार्यालयका प्रहरी निरीक्षक अभिषेक पाण्डेले घटनाबारे जानकारी पाएलगत्तै प्रहरी टोली खटिएको र चालकलाई ट्याक्टरले च्यापिएको अवस्थामा रहेको बताए । घटनास्थलमा प्रहरी पुगिसकिएको र डोजरसमेत पठाइएको उनले जानकारी दिए । घटनाबारे थप अनुसन्धान भइरहेको प्रहरीले जनाएको छ ।
सम्बन्धित खबर
लमजुङमा आफैले चलाएको ट्याक्टर पल्टिँदा च्यापिएर मृत्यु
स्याङ्जाका दुई क्षेत्रमा एमाले उम्मेदवारद्वारा आ–आफ्ना प्रतिबद्धता सार्वजनिक
स्याङ्जा–१ मा ढकालको दश प्रतिबद्धता, चुनावी मैदानमा नयाँ एजेन्डा
रास्वपाको पोखरामा फागुन १० गते तयारी गरिएको सभा अचानक स्थगित
स्याङ्जा–१ मा मिनप्रसाद गुरुङको ३३ बुँदे योजना सार्वजनिक, पाँच वर्षमा समृद्धिको लक्ष्य
स्याङ्जा–२ मा खिमबहादुर थापाको प्रतिबद्धता सार्वजनिक, सुशासनदेखि कृषिसम्म प्राथमिकता
यो पनि पढौँ
अतितका परिवारले भन्योः कार मिलिन्द तुलाचनले चलाएका हुन्, २ जनाले घरबाट लिएर गएका थिए
ड्रोनले भेट्टायो कच्याककुचुक अवस्थामा कार, ४ दिनदेखि वेपत्ता युवा मृत फेला
बागलुङ स्कुल भ्यान दुर्घटना अपडेट: मृतकको संख्या २ पुग्यो, पोखरामा उपचाररत सुजलको मृत्यु
कारबाट झरेर पैदलयात्रीलाई मुक्का हान्ने पक्राउ