पोखरा विश्वविद्यालय फुटबल प्रिमियर लिग आयोजना हुने भएको छ ।

सेभेन ‘ए’ साइड फुटबल प्रतियोगिताका रूपमा आयोजना हुन लागेको उक्त प्रतियोगिता जेठ १२ गतेदेखि १४ गतेसम्म सञ्चालन हुनेछ ।

प्रतियोगिता पोखरा विश्वविद्यालयको खुदीस्थित खेल मैदानमा हुने आयोजकले जनाएको छ । प्रतियोगितामा विजेता टोलीले नगद ५० हजार तथा उपविजेता टोलीले नगद २५ हजार पुरस्कार प्राप्त गर्नेछन् ।

प्रतियोगितामा सहभागी हुन इच्छुक टोलीहरूले वैशाख ३१ गतेभित्र दर्ता गरिसक्नुपर्नेछ । प्रतियोगिताको प्रवेश शुल्क रु ५ हजार निर्धारण गरिएको छ । महिला टीमका लागि निःशुल्क व्यवस्था छ ।

जेठ ४ गते नमस्ते पार्टी प्यालेसमा टिम अक्शन तय भएको छ ।

प्रतियोगितामा उत्कृष्ट खेलाडी, उत्कृष्ट गोलरक्षक तथा सर्वाधिक गोलकर्ता समेत पुरस्कृत हुनेछन् ।

थप जानकारीका लागि आयोजकले ९८४५५४४५०१, ९८६४४२९७५८ र ९८०६६०९३९९ नम्बरमा सम्पर्क गर्न आग्रह गरेको छ ।