पोखरा । नेपालको दुग्ध उद्योगमा गुणस्तर, स्वाद र विश्वासको परिचित ब्रान्ड सफल डेरी प्रा.लि.ले आफ्नो लोकप्रिय अभियान ‘सफल दही, एकदम सही’ लाई यस वर्ष अझ व्यापक र प्रभावकारी रूपमा सञ्चालन गर्ने भएको छ ।

कम्पनीले आधुनिक व्यस्त जीवनशैली र बढ्दो जिम्मेवारीका बीच परिवारका लागि सन्तुलित तथा पोषणयुक्त आहारको आवश्यकता बढ्दै गएको उल्लेख गर्दै सफल दहीले स्वस्थ र सन्तुलित खानपानमा महत्वपूर्ण भूमिका खेल्ने जनाएको छ । ‘आफ्नो तथा परिवारको स्वास्थ्यका लागि सफल दही रोज्नु सही निर्णय हो’ भन्ने सन्देशसहित कम्पनीले अभियान अघि बढाएको हो ।

उपभोक्ताको आवश्यकता र रोजाइलाई ध्यानमा राख्दै सफलले विभिन्न प्रकार र प्याक साइजमा दही उपलब्ध गराउँदै आएको जनाएको छ । सफल दही १२५ एमएल कप, २०० एमएल कप, ५०० एमएल कप, ५०० एमएल पाउच तथा १ लिटर कपमा उपलब्ध छ । त्यसैगरी, सफल सादा दही ५०० एमएल कप, १ लिटर कप र ५०० एमएल पाउचमा उपलब्ध रहेको छ भने सफल जुजु धौ ५०० एमएल र १ लिटर कपमा पाइने कम्पनीले जनाएको छ ।

कम्पनीका अनुसार सफल दही स्वाद मात्र नभई स्वास्थ्य र शुद्धताको भरोसा पनि हो । आधुनिक उत्पादन प्रविधिबाट तयार गरिएको सफल दहीमा शरीरका लागि आवश्यक क्याल्सियम, भिटामिन, प्रोटिन तथा मिनरल्स जस्ता महत्वपूर्ण पोषक तत्व समावेश छन् । यी तत्वहरूले शरीरको समग्र स्वास्थ्य, हड्डीको मजबुती तथा दैनिक पोषण आवश्यकतामा सहयोग पुर्‍याउने कम्पनीको दाबी छ ।

बालबालिका, युवा, वयस्क तथा ज्येष्ठ नागरिक सबैका लागि उपयुक्त खाद्य परिकारका रूपमा सफल दही लोकप्रिय बन्दै गएको कम्पनीले जनाएको छ ।

यस वर्षको अभियान अन्तर्गत सामाजिक सञ्जाल प्रचारप्रसार, मोडर्न ट्रेड आउटलेट ब्रान्डिङ तथा विभिन्न उपभोक्ता–केन्द्रित गतिविधिहरूमार्फत सफल दहीको गुणस्तर र स्वास्थ्य लाभबारे जानकारी प्रदान गरिनेछ । साथै युवापुस्ता, परिवार तथा स्वास्थ्यप्रति सचेत उपभोक्तालाई लक्षित गर्दै सिर्जनात्मक भिडियो तथा रेसिपी कन्टेन्ट पनि सञ्चालन गरिने कम्पनीले जनाएको छ ।

कम्पनीका अनुसार “सफल दही एकदम सही” अभियान केवल उत्पादन प्रवर्द्धनमा सीमित नभई स्वस्थ जीवनशैलीलाई प्रोत्साहन गर्ने प्रयास समेत हो । उपभोक्ताको विश्वासलाई केन्द्रमा राख्दै आगामी दिनमा पनि गुणस्तरीय दुग्धजन्य उत्पादन उपलब्ध गराउने प्रतिबद्धता कम्पनीले व्यक्त गरेको छ ।