किरण श्रेष्ठ, तनहुँ ।  तनहुँको बन्दिपुर गाउपालिका वडा नं. ४ बिमलनगर स्थित सिद्द गुफा बेम्बो कटेजबाट ३ लाख ६१ हजार ७ सय ४५ नगद सहित १० जना जुवाडेहरु लाई जिल्ला प्रहरी कार्यालय तनहुँले पक्राउ गरेको छ ।

अबैध तबरबाट धेरै नगद पैसाको बाजी राखी जित हार हुने गरी जुवा खेल भइरहेको भन्ने सुचनाको आधारमा शनिबार राती १०:३० बजे जिल्ला प्रहरी कार्यालय तनहुँबाट प्रहरी निरीक्षक सहितको टोलीले उक्त जुवाडेहरु लाइ पक्राउ गरेको हो । उक्त कटेजको खानतलासी लिदा होटलको कोठा भित्र नगद र तासको पत्तिहरु राखी नगद रुपैयाको हार जित हुने गरी जुवा तास खेल्दै गरेको अवस्थामा प्रहरीले उनीहरु लाइ पक्राउ गरेको हो ।
पक्राउ पर्नेहरुमा होटल संचालक बन्दीपुर गाँउपालिका वडा नं. ४ वस्ने वर्ष ४५ को राजु भन्ने बल बहादुर थापा, शुक्लागण्की नगरपालिका वडा नं.११ बस्ने वर्ष ५७ को कदम बहादुर तामाङ, आबुखैरेनी गाँउपालिका वडा नं. १ बस्ने वर्ष २९ को प्रदिप घिमिरे, सोहि स्थान बस्ने वर्ष ४१ को प्रेम लम्साल, आबुखैरेनी गाँउपालिका वडा नं.३ बस्ने वर्ष ४५ को सोम बहादुर खत्री, बन्दीपुर गाँउपालिका वडा नं. ५ बस्ने वर्ष २८ को मदन कुमार श्रेष्ठ, बन्दीपुर गाँउपालिका वडा नं. १ बस्ने वर्ष ६० को आश बहादुर गुरुङ, सोहि स्थान वस्ने वर्ष ४५ को सुरेन्द्र बहादुर पुन, भानु नगरपालिका वडा नं. १ वस्ने वर्ष २८ को शिव तामाङ, भानु नगरपालिका वडा नं.२ बस्ने वर्ष ३९ को प्रेम प्रसाद दवाडी रहेको जिल्ला प्रहरी कार्यालय तनहुँका प्रवक्ता प्रहरी नायव उपरीक्षक सुनिल मल्लले जानकारी दिए ।

उक्त जुवा खालबाट नगद रुपैया सहित मोबाईल सेटहरु र जुवा तास ५२ पत्ती फेला परेको तनहुँ प्रहरीले जनाएको छ । उक्त सामान बरामद गरी उनिहरुलाई जुवा मुद्दामा आज आइतबार जिल्ला अदालत तनहुँमा उपस्थित गराई ३ दिनको म्याद थप अनुमति लिई थप अनुसन्धान भइरहेको जिल्ला प्रहरी कार्यालय तनहुँले जनाएको छ ।