पोखरा । नेकपा (एमाले ) गण्डकी प्रदेश कमिटीले बुधबार एक पत्रकार भेटघाट कार्यक्रमको आयोजना गरी आफ्ना विभिन्न कार्ययोजना सार्वजनिक गरेको छ । एमालेको साउन २२ गते सम्पन्न चौधौं पूर्ण बैठक तथा प्रचारसहित विभिन्न बिभागद्वारा निर्मित कार्ययोजना उक्त कार्यक्रम मार्फत सार्बजनिक गरिएको हो ।
कार्ययोजना अनुसार आगामी असोज १५ र १६ गते प्रदेश कमिटीको अधिबेशन सम्पन्न गर्ने,गण्डकी प्रदेश कार्यालय संचालनका लागि भवन निर्माण गर्ने ,पार्टी सदस्यताको प्रमाणीकरण श्रावण महिना भित्र गर्ने ,जिल्ला र पालिकाका योजना निर्माण गर्ने, वडा कमिटी निर्माण र बैठक भाद्रभित्र गर्ने,सबै जिल्लामा बिभागको पूर्णता दिने र बार्षिक कार्ययोजना निर्माण गर्ने रहेका छन्।
त्यसै गरि प्रदेशभरिको प्रचार कार्यलाइ ब्यबस्थित बनाउन जिल्लाका प्रचार भेला र क्षमता अभिमुखिकरण गर्ने, प्रेदेशको प्रचार एक्सन प्लान कार्यान्वयन गर्ने, प्रदेश अधिबेशन गर्न बाकी सबै जन संगठनहरूका अधिबेशन सम्पन्न गरि उनिहरूको बार्षिक कार्यतालिका निर्माण गर्ने,सामुदायिक सरोकारजन्य बिषयको नेतृत्व गर्ने,प्रशिक्षक प्रशिक्षण कार्यक्रम पालिका तह सम्म बिस्तार गर्ने योजना रहेको उओ सचिब एबम प्रचार तथा प्रकाशन बिभाग प्रमुख रश्मि आचार्यले जानकारी दिए।
कार्यक्रममा गण्डकी इन्चार्ज तथा सचिव गोकर्ण बिष्टले पार्टीका कामलाइ थप ब्यबस्थित गर्दै एमालेलाई ब्राण्डिन्ङ गर्ने योजना रहेको उल्लेख गरे।
उनले देशमा अराजकताको अन्त्य गर्ने सामर्थ्य एमाले संग मात्रै भएको र बिकास र समृद्धिका स्पस्ट खाका समेत आफुहरूसंग मात्रै भएको जिकिर गर्दै राष्ट्रिय स्वाभिमान र स्वतन्त्रता उचो बनाउनेतर्फ केन्द्रीकृत हुन सक्षम नेता कार्यकर्ता र थप बलियो पार्टी संगठन नै भएको उल्लेख गरे।
सचिब बिष्टले एमालेलाई जनताको बिचमा लोकप्रियताले उचाई दिन सत्तामा हुँदा होस या नहुदा सधैं जनताकै साथमा रहने बताए ।
स्थायी कमिटी सदस्य खगराज अधिकारीले देशलाई बर्बादी तर्फ जान नदिन एमाले थप मजबुत राष्ट्रिय जनसाथका साथ युद्द्को अग्रमोर्चामा हुनैपर्ने उल्लेख गरे।
अधिकारीले एमालेलाई अझै प्रभाबकारी भुमिका खेल्न सक्ने एकल बहुमत सहितको पार्टीको रूपमा स्थापित गर्न अब सबै शक्ति केन्द्रित गर्नुको बिकल्प नभएको उल्लेख गरे ।
कार्यक्रममा ने .क .पा .(एमाले ) का केन्द्रिय तथा गण्डकी प्रदेश कमिटीका पदाधिकारीहरूको उपस्थित रहेको प्रचार तथा प्रकाशन बिभाग सदस्य रामजी प्रसाद लम्सालले जानकारी दिए।
सम्बन्धित खबर
अपिहिमाल र अर्जुनचौपारीबीच विकास साझेदारी : पाँच वर्षीय भगिनी सम्बन्ध सम्झौता
एन प्याब्सनको बृहत् बाल प्रतिभा पहिचान महोत्सव तथा खेलकुद, १५ सय विद्यार्थी प्रतिस्पर्धा गर्दै
‘प्रथम वालिङ सडक खाना महोत्सव’ भोलि एक दिन थपिने
बिरुवा राष्ट्रपति रनिङ शिल्डको उपाधि भुरुङचौकी माविलाई
फेदीखोलामा नदीजन्य पदार्थ उत्खनन र ओसारपसार गर्ने दुई ट्याक्टर नियन्त्रण
सडक खाना महोत्सवका अवसरमा वालिङमा सार्वजनिक बिदा
यो पनि पढौँ
पोखराका मेयरको घरमा आगजनी र लुटपाट गर्ने रास्वपाका वडा सभापतिसहित ४ जना कारागार चलान
कास्कीका प्रमोद ढकाललाई यौन दुरुपयोग गरेको अभियोगमा बेलायतमा २५ वर्षको जेल सजाय
प्रेमीको हत्या गरेपछि २० वर्षीया युवतीले गरिन् शवसँग बिहे
एभरग्रीन एकेडेमीका विद्यार्थीले प्रस्तुत गरे ‘कल्चरल शो’