पोखराको अटोवेज प्रालिले यहाँका सामुदायिक विद्यालयको शैक्षिक गुणस्तर वृद्धि गर्न भारतदेखि ६ वटा स्कुल बस ल्याउन सहयोग गरेको छ । नेपाल ल्याइएसँगै अटोवेजले बिहीबार सम्बन्धित विद्यालयलाई गाडी हस्तान्तरण गरेको छ ।

अटोवेजकी निर्देशक सन्ध्या पौडेलका अनुसार यी बसहरु ल्याएर हस्तान्तरण गर्न सहयोग गर्नुको उद्देश्य नै सामुदायिक विद्यालयको शैक्षिक गुणस्तर वृद्धि होस् भन्ने अटोवेजको शुभेच्छा रहनु हो ।

पोखरा २५ स्थित श्री अम्बिका माध्यमिक विद्यलाय, १८ स्थित श्री शान्त माध्यमिक विद्यालय र १६ स्थित श्री शान्ति माध्यमिक विद्यालय, गोरखाको अजरिकोट गाउँपालिका ४ स्थित श्री हिमालय माध्यमिक विद्यालय, तनहुँको आबुखैरनी गाउँपालिकाको अकला आधारभूत विद्यालय र आँबुखैरेनी १ मा रहेको चन्द्रोदय माध्यमिक विद्यालयलाई स्कुल बस हस्तान्तरण गरिएको हो ।

यस अघिदेखि नै पोखराको नयाँबजारस्थित रहेको अटोवेज शोरुमले सामाजिक क्षेत्रका क्षेत्रका काम गर्दै आएको छ । अटोवेजले विद्यार्थी केन्द्रित कार्यक्रम पनि गर्दै आएको छ । विज्ञान प्रदर्शनीदेखि लिएर स्वास्थ्य शिविर गरेको छ । युवा, खेलाडी, विद्यार्थीलाई सम्मान तथा पुरस्कार प्रदान गरी हौसला बढाएको छ ।

गत हप्तामात्र अटोवेजले तीन दिन आँखा शिविर संचालन सञ्चालन गरेको थियो । मणिपाल अस्पतालको प्राविधिक सहयाेगमा स्कुल बसका चालक तथा सहचालकहरूलाई लक्षित गरेर निःशुल्क आँखा जाँच शिविर गरिएको थियो । शिविरले दिनहुँ हजारौँ विद्यार्थीहरूलाई ओसार पसार गर्ने चालक तथा सहचालकहरूको स्वास्थ्य हुनुपर्छ भनेर पोखराका अधिकांश विद्यालयमा निःशुल्क आँखा चेकजाँच गरिएको थियो ।

पोखरामा टोयटा, आइसर, कोमात्सु तथा बुलको आधिकारिक विक्रेता अटोवेजले विद्यार्थी, अभिभावक र विद्यालयसँग जोडेर सामाजिक उत्तरदायित्व अन्तर्गत विभिन्न कार्यहरू गर्दै आएको छ । अटोवेजले गोविन्द कलावती फाउन्डेसनमार्फत गरिब तथा जेहेन्दार विद्यार्थीलाई सहयोग समेत गर्दै आएको छ ।

सम्बन्धित समाचारः

विद्यार्थीका लागि अटोवेजको ‘साइन्स फेयर’