नेपाली महिलाहरुको महान चाड हरितालिका तीजको अवसरमा अखिल नेपाल राष्ट्रिय स्वतन्त्र विद्यार्थी युनियन, जिल्ला कमिटी कास्कीले तीज विशेष खुल्ला नृत्य प्रतियोगिता कार्यक्रम गर्ने भएको छ ।

कमिटिले यहि भाद्र २९ गते पोखरा-६ लेकसाइड स्थित तालबाराही मा.वि. प्रांगणमा नृत्य प्रतियोगिताको आयोजना गर्ने भएको हो ।

‘अनेरास्ववियुको आव्हान क्रियाशिल महिलाहरुको सम्मान, समाज परिवर्तनमा साँस्कृतिक रुपान्तरण हाम्रो अभियान’ भन्ने नाराका साथ आयोजना हुन लागेको प्रतियोगितामा प्रथम पुरस्कार १०,००० हजार र द्धितिय पुरस्कार ५,००० हजार व्यवस्था गरिएको अनेरास्ववियु कास्की प्रचारप्रसार विभाग प्रमुख विशाल बाबु क्षेत्रीले जानकारी दिए ।

प्रतियोगितामा कास्की जिल्ला भित्रका विभिन्न बिद्यालय तथा क्याम्पसका बिद्यार्थीहरुको सहभागिता साथै स्थानीय अतिथी कलाकारहरूको बेजोड प्रस्तुति पनि रहने बताइएको छ । कार्यक्रमलाई भव्यताका साथ सफल बनाउन कार्यक्रमको तयारी तिव्र पारिएको क्षेत्रीले बताए ।

प्रतियोगितामा सहभागी हुन ईच्छुक प्रतियोगी समुहले भाद्र २८ गते सम्म आफ्नो समूहको दर्ता गरिसक्नुपर्ने आयोजक कमिटीले ले जानकारी गराएको छ ।