सरोज अर्याल, स्याङजा । स्वरेक – ८ घर भइ हाल काठमाडौं बस्दै आएका कृष्ण बहादुर सिकेले विदेशमा आकर्षक जागिर दिलाइदिने नाममा सर्वसाधारणबाट करोडौ रकम असुलेर ठगी गरेका का छन्। सिकेले आकर्षक तलब सुविधा देखाएर राष्ट्रिय पत्रपत्रिकामा सुचना निकाल्दै सर्वसाधारणलाई ठगि गर्ने गरेको पीडितहरुले बताएका छन् ।

क्यानडा, अमेरिका, रसिया तथा अस्टे«लिया पठाउने भन्दै सिकेले २ वटा कन्सल्टेन्सी कोरल एजुकेशन कन्सल्टेन्सी, रोएल एजुकेशन कन्सल्टेन्सी, र १ मेनपावर रोएल एचआर सोलुसन ५० जना भन्दा बढी युवाहरुबाट करिब दुई करोड ठगी गरेको एकजना पीडितले जानकारी दिए ।

अहिले सिकेबाट ५० हजार देखी १३ लाख सम्म ठगिएका व्यक्तिहरु सम्पर्कमा आएका छन् । अझै धेरै व्यक्ति ठगिएको हुनसक्ने आशंका गरिएको छ । सिकेबाट ठगिएकाहरुमा बिदुर घतानेको ६ लख , ओम बहादुर पुनको ४ लाख, उर्मिला पुनको ३ लाख ७० हजार, भबिस खड्का ३ लाख, बिनोद शर्मा २ लाख ५० हजार, आर्यन जोशीको २ लाख, प्रबिनजङ बस्नेत २ लाख, सागर पुरीको १ लाख , सरोज श्रेष्ठ ६० हजारलगायत छन् भने अरु धेरै ठगिएको अनुमान गरिएको छ ।

सिकेले ठगिएकामध्ये भविस खड्का र प्रबिनजङ बस्नेतलाई पैसा फिर्ता माग्दा बाउन्स चेक पनि दिएका थिए । सीके र पिडितबीच बेलाबेलामा भाइबर मा कुरा हुने र सधै पैसा फिर्ता दिन्छु भन्ने गरेको तर कहिले दिनेभन्दा एक हप्ता पछि, एक महिना पछि भन्दै १ वर्ष पछि दिन्छु भनेर टार्ने गरेको पीडितहरुले बताए । ठगीसम्बन्धी उजुरीमा महानगरीय अपराध महाशाखा टेकुले सिके नेपाल बाहिर लुकेर बसेको आशंकामा खोजीकार्य जारी राखिएको बताएको छ ।