पोखरा । पोखरा सिर्जनाचोक स्थित पोखरा मल्टिमोडल क्याम्पसले विद्यार्थीहरुलाई कसरी प्रभावकारी ढंगले अध्यापन गराउनेबारे प्राध्यापक, शिक्षकलाई अभिमुखीकरण गरेको छ ।

कार्यक्रममा प्राध्यापक नगेन्द्र बहादुर भण्डारीले विद्यार्थी र प्राध्यापकहरु बीचको मनोविज्ञानको सम्बन्धमा कार्यपत्र प्रस्तुत गरे । भण्डारीले प्रध्यापकहरुले विद्यार्थीहरुको मनोभावना बुझी पठनपाठन गराएको खण्डमा विद्यार्थीहरुले प्रभावकारी ढङ्गले सिक्न सक्ने तर्फ जोड दिए ।

क्याम्पस प्रमुख कृष्णबहादुर केसीको अध्यक्षतामा भएको कार्यक्रममा क्याम्पसका संयोजक बाबुराम लामिछानेले पाठ्य योजना सम्बन्धमा अवधारणापत्र प्रस्तुत गरे । उनले प्राध्यायपकहरुले पाठ्य योजना तर्जुमा गरि पठनपाठन गरेको खण्डमा विद्यार्थीहरु लाभान्बित हुने उल्लेख गरे ।

उक्त कार्यपत्रहरु माथि प्रध्यापक टोप बहादुर थापाले टिप्पणी गरेका थिए । पोखरा मल्टिमोडल प्रा.लि.का अध्यक्ष लिलाधर बरालले सिकेका ज्ञान अनुभवलाई व्यवहारमा उतार्न सम्पूर्ण प्राध्यापकवर्गलाई अनुरोध गरे ।

उक्त अवसरमा पोखरा मल्टिमोडल प्रा. लि. का सल्लाहकार प्रा.डा.यदुन्नदन उपाध्यायले धन्यवाद ज्ञापन गरे । कार्यक्रममा पोखरा मल्टिमोडल क्याम्पसका सम्पूर्ण प्रध्यापकहरुको सक्रिय सहभागिता रहेको थियो ।