पोखरा । पोखरा इलेक्ट्रिक क्लबको अध्यक्षमा अमृत पोख्रेल निर्वाचित भएका छन् । क्लबको २५ औं साधारण सभा तथा आठौं अधिवेशनले उनको अध्यक्षतामा नयाँ कार्यसमिति निर्वाचित गरेको हो ।

कार्यसमिति उपाध्यक्षमा यमप्रसाद भट्टराई, सचिव कृष्णप्रसाद अधिकारी, सहसचिव प्रकाशकुमार कटुवाल र कोषाध्यक्ष माधव आचार्य छन् । सदस्यमा दोलराज लम्साल, दानबहादुर श्रेष्ठ, नवीन हमाल र विनोद लिगल छ ।

नवनिर्वाचित अध्यक्ष पोख्रेलले संस्थाले रजतजयन्ती मनाइरहँँदा र आफूले क्लबको नेतृत्व पाउँदा खुसी लागेको प्रतिक्रिया दिए । उनले इलेक्ट्रिक व्यवसायीको हकहितका लागि आफू नेतृत्वको कार्यसमिति लागिपर्ने प्रतिबद्धता जनाए । यसअघि उनी सचिव थिए ।

नेपाल विद्युत व्यवसायी महासंघका केन्द्रीय सदस्य केशवराज ढकालको प्रमुख आतिथ्यमा भएको कार्यक्रममा पोखरा इलेक्ट्रिक व्यवसायी महासंघका अध्यक्ष नारायण सुवेदी, पोखरा इलेक्ट्रिक एसोसिएसनका तृतीय उपाध्यक्ष नीलबहादुर भुजेल लगायतले बोलेका थिए ।

संस्थाका अध्यक्ष कृष्णप्रसाद सापकोटाको अध्यक्षतामा भएको कार्यक्रमको सञ्चालन सचिव अमृत पोख्रेल र स्वागत उपाध्यक्ष दीपक बास्तोलाले गरेका थिए । क्लबबारे सहसचिव प्रकाशकुमार कटुवालले प्रकाश पारेका थिए ।

‘दक्ष जनशक्ति आजको आवश्यकता, गुणस्तरीय सेवा हाम्रो प्रतिबद्धता’ उद्घोषका लागि २०५६ सालमा संस्थाको स्थापना भएको हो ।