म्याग्दी र मुस्ताङको सीमाना काभ्रेभीरमा मोटरसाइकलसहित खस्दा जर्मन नागरिकको मृत्यु भएको छ ।
जिल्ला प्रहरी कार्यालय म्याग्दीका अनुसार बिहिबार म्याग्दीबाट मुस्ताङतर्फ जाँदै गरेको मोटरसाईकल साँझ म्याग्दीको अन्नपूर्ण —३ काभ्रेभीरमा दुर्घटना हुँदा जर्मनका नागरिक मनड्रक बिकीको मृत्यु भएको हो ।
म्याग्दीको काभ्रेगाउँको १५ सय मिटर उत्तरतर्फको भिरालो सडकमा मोटरसाइकल दुर्घटना हुँदा चालकको शव भीरमै अड्किएको थियो । मोटरसाइकल भने कालीगण्डकीमा खसेको थियो ।
मोटरसाइकल खसेर जर्मन नागरिक भीरमै अड्किएको सूचना पाएपछि जिल्ला विपद् व्यवस्थापन समिति बाग्लुङ,म्याग्दी र सशस्त्र प्रहरीको करिव २० जनाको टोली बिहिबार रातीनै उद्दार सामाग्रीसहित घटनास्थल पुगेको थियो । मुस्ताङबाट पनि नेपाली सेनाको टोली उद्दार गर्न पुगेका थिए ।
राति उद्दारमा खटिएको सुरक्षाकर्मीको टोलीले डोरीको सहायताले जर्मन नागरिकको शव बाहिर निकालेको प्रहरी निरीक्षक कुमार गुरुङले जानकारी दिए । त्यहाँ सुरक्षाकर्मीसंगै म्याग्दी दानाका यात्रुका सारथी ईन्द्रसिंह शेरचन पनि उद्दारमा खटिएका थिए ।
राष्ट्रिय गौरवको बेनी—जोमसोम ७६ किमी सडकखण्डको सबैभन्दा जोखिमयुक्त स्थान काभ्रेभीर हो । त्यहाँ चट्टान काटेर सडक विस्तार गरिएको छ ।
सम्बन्धित खबर
बागलुङको ढोरपाटनमा जीप दुर्घटना हुँदा १६ जना घाइते
लेकसाइडको स्पा (मसाज) सेन्टरबाट ६ जना बालिकाको उद्धार
‘सबै जलविद्युत आयोजनाले खोलामा कम्तिमा १० प्रतिशत पानी अनिवार्य छाड्नुपर्छ’
मदन–आश्रितको सम्झनाः पोखराको स्मृति पार्कमा माल्यार्पणसँगै सरसफाई, जबजको विशेषताबारे विवेचना
पोखरा अन्तर्राष्ट्रिय विमानस्थलबाट अन्तरदेशीय उडान गर्न प्रोत्साहन प्याकेज
पोखरामा खुकुरी प्रहार गरी फरार भएका २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग