स्याङ्जाको विरुवा गाउँपालिकाले प्रतीक चिन्ह (लोगो) सार्वजनिक गरेको छ। विरुवा गाँउपालिकाको १४ औँ गाँउसभाको अवसरमा लोगो सार्वजनिक गरेको अध्यक्ष सुर्य कुँवरले जानकारी दिए ।

गाँउपालिकाकै वडा नं ५ निवासी जिवन वाग्लेले यो लोगो तयार पारेका हुन् । गाँउसभामा वाग्लेलाई नगद सहित सम्मान समेत गरिएको थियो ।

लोगोमा विरुवाको ऐतिहासिक धार्मिक, पुरातात्विक महत्वका क्षेत्रहरु समेटेर तयार पारिएको छ।

पालिकाको पहिचान झल्कने गरी तयार पारिएको लोगो सोमबार अध्यक्ष कुँवरले सार्वजनिक गरेका हुन् । लोगोको माथिल्लो भागमा गाउँपालिकाको नाम छ।

तल्लो भागमा राखिएको रिवनमा गाउँपालिकाको ठेगाना छ । ठेगानाको रिवनसँग जोडेर दुवैतर्फ धान र गहुँको बाला छ।

गाउँपालिकामा पाइने सबै स्रोत प्रष्ट समेटिने गरी प्रतिनिधिमूलक ढंगबाट लोगो तयार पारिएको हो । अब यो लोगो सञ्चालनमा आउने छ ।

हरेक कार्यक्रम, ब्यानर र सबैतिर लोगो प्रयोगमा आउने गाउँपालिका अध्यक्ष कुँवरले बताए ।

‘गाउँ सभाबाट पारित भएपछि औपचारीक रुपमा लोगो बनेको छ’ अध्यक्ष कुँवरले भने, ‘अर्थ दिने गरी बनाइएको लोगो प्रयोग अब सबैतिर हुन्छ ।’

अब गाउँ सभा सदस्यहरुले पनि लोगो लगाउनेछन् । यस अघि लोगो नभएका कारण गाउँ सभा सदस्यहरु लोगोविनै सभामा सहभागी हुने गरेका थिए ।