पोखरा महानगरपालिका वडा नं. १२ मा संचालित तिन महिने निःशुल्क मन्टेश्वरी तालिमको समापन भएको छ । दैनिक पाचँ घण्टा संचालन भएको तालिममा पोखरा महानगरपालिका १२ का विभिन्न क्षेत्रका महिलाहरुको सहभागिता रहेको थियो ।

तालिमको समापन कार्यक्रमका प्रमुख अतिथि गण्डकी प्रदेश सामाजीक विकास तथा स्वास्थ्य मन्त्रालयका सचिव प्रकाश पौडेलले पछिल्लो समय विश्वजारमा खोजी हुने विषयहरुको बारेमा तालिमका विषयहरुको खोजी र माग रहेको बताए ।

समुदायस्तरमा मन्टेश्वरी तालिमको माग ज्यादै उच्च रहेकाले आगामी पञ्चवर्षीय योजनामा सीपमूलक तालीमलाई जोड दिँदै सिक्दै कमाउँदै कार्यक्रमहरु समावेश गरेको बताए ।

व्यवसायिक तथा सीप विकास तालिम केन्द्र पोखराले संचालन गरेको तालिमा २४ बढी महिलाहरुको सहभागिता रहेको थियो ।

समापन कार्यक्रमका विशिष्ट अतिथि पोखरा १२ का वडा अध्यक्ष सन्तोष बास्तोलाले सिकाइलाई प्रभावकारी बनाउन अनुरोध गरेका थिए । उनले विद्यार्थीलाई घोकन्ते विद्या भन्दा पनि व्यवहारिक रुपमा सिकाउन सके मात्र उपलब्धिमूलक हुने बताए ।

कार्यक्रममा सहभागी प्रशिक्षार्थी प्रशंसा गुरुङले तालिमको प्रयोग गरेर साना साना बालबालिकाहरुलाई सिकाउने शिक्षण विधिले आफ्नो क्षमता वृद्धि भएको बताइन् । 
तालिममा सहभागी ६ जनाले रोजगारी समेत पाएको तालिम प्रशिक्षक सिता अधिकारी वाग्लेले जानकारी दिइन् ।