अनेरास्ववियू पृथ्वीनारायण क्याम्पस कमिटिको २५ आँै सम्मेलन सम्पन्न भएको छ ।

सम्मेलनले सन्तोष पौडेलको संयोजकत्वमा २१ सदस्यीय क्याम्पस कमिटि गठन गरेको छ ।

क्याम्पसको सभाहलमा आयोजित एकल खुल्ला नृत्य प्रतियोगितामा बिपना विश्वकर्मा प्रथम भइन् । शान्ति बास्तोला द्वितीय र प्रतिक्षा रसाईलीले तृतीय स्थान प्राप्त गरिन् ।

विजयीहरूलाई नगद पुरस्कार सहित प्रमाणपत्र प्रदान गरिएको थियो ।

कार्यक्रमका प्रमुख अतिथि पूर्व सहरी विकास मन्त्री तथा नेकपा एकिकृत समाजवादीका पोलिटव्युरो सदस्य मेटमणि चौधरीले कार्यक्रममा बौल्दै अबको समय युवाहरू हात बाँधेर बस्ने समय नभएको बताए ।

देश भित्रै केहि गर्ने बेला आएको भन्दै उनले देश भित्रै आफ्नो अध्ययन पूरा गरी देश भित्रै सामाजिक, सांस्कृतिक , व्यवसायिक क्षेत्रमा लागेर आयआर्जनका माध्यममा जोडिन आग्रह गरे ।

देशमै बसेर केही गर्न चाहने युवाहरूलाई आफ्नो पार्टीले हरसम्भव सहयोग गर्ने पनि उनले बताए ।

विशाल नायक क्षेत्रीको अध्यक्षतामा सम्पन्न कार्यक्रममा होम तामाङले स्वागत गरे भने कार्यक्रमको सञ्चालन सन्तोष पौडेलले गरेका थिए ।