महेन्द्र जिसी, पर्वत । नेपाल कम्युनिष्ट पार्टी (नेकपा) बाट निर्वाचित वडा अध्यक्ष महेन्द्र श्रेष्ठ जापानबाट फर्केर धर्नामा बसेका छन् । आफ्नो पद षड्यन्त्रपुर्वक रिक्त गराउने योजना बनाएको भन्दै पर्वत पैंयु गाउँपालिका वडा नं. ४ अध्यक्ष श्रेष्ठले गाउँपालिका उपप्रमुख जसमती गुरुङको राजिनामा माग गर्दै दुई जना लिएर धर्नामा बसेका हुन् । गुरुङ नेपाली काँग्रेसबाट निर्वाचित उपप्रमुख हुन् ।
स्थानीय तहको निर्वाचन जितेर जापान कमाउन पुगेका श्रेष्ठले पद जाने भएपछि गाउँ पालिका उपप्रमुखको राजीनामा माग्दै धर्नामा बसेको चर्चा छ । बुधबारबाटै अनिश्चिकालिन अनसन बस्ने घोषणा गरेका जनप्रतिनिधीहरुले एक दिनका लागि धर्ना बसेको र राजिनामा नआए अनिश्चितकाल सम्म अनसन बस्ने चेतावनी दिएका छन् ।
धर्नामा वडा नं ३ का अध्यक्ष बिष्णु काफ्ले, ४ का अध्यक्ष महेन्द्र श्रेष्ठ र ५ का अध्यक्ष उमाकान्त भुर्तेल बसेका छन् । अनसनलाई सामाजिक परिचालक र स्थानिय समाजसेवीहरुले समेत ऐक्यबद्धता जनाएका छन् ।
नियमानुसार लगातार तीन वटा बैठकमा उपस्थित नभएमा कार्वाहीमा पर्नेछन् । गाउँपालिका उपप्रमुखको स्पष्टिकरण पछि अध्यक्ष श्रेष्ठ उपप्रमुख विरुद्ध लागेका हुन् । वडा अध्यक्ष श्रेष्ठ परिवारलाई भेट्न भन्दै गाउँपालिकामा विना जानकारी जापान बस्दै आएपछि स्थानीय तहको सेवा रोकिएको गुनासो आएपछि स्पष्टिकरण मागिएको उपप्रमुख गुरुङले बताईन् ।
उनले साउन ८ गतेको मितिमा श्रेष्ठलाई सात दिन भित्र स्वयं उपस्थित भएर स्पष्टीकरण दिन पत्र पठाएकी थिइन् । उनले पत्र पठाएपछि श्रेष्ठ जापानबाट नेपाल फर्केर गाउँपालिकाको कार्यालयमा धर्नामा बसेका हुन् ।
श्रेष्ठ नेपाल फर्केपछि सोमबार गाउँपालिकाका अध्यक्ष खगेन्द्र तिवारी, उपाध्यक्ष जसमति गुरुङलाई भित्र राखेर गाउँपालिका कार्यालयमा नेकपाका कार्यकर्ता र निर्वाचित जनप्रतिनिधीले तालाबन्दी गरेका थिए । उक्त ताला प्रहरीले फोडेर गाउँपालिका अध्यक्ष र उपाध्यक्षलाई बाहिर निकालेको थियो ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग