लागू पदार्थ सेवन गरेर सवारी चलाउने ६ जना चालकलाई स्याङ्जामा पक्राउ गरिएको छ ।
पक्राउ पर्नेमा रुपन्देही बुटवल उपमहानगरपालिका-११ का ४७ वर्षीय पदम बहादुर डिसुवा, कास्की पोखरा महानगरपालिका-२९ का २६ वर्षीय विशाल गुरुङ, पोखरा-१९ का ४८ वर्षीय होम बहादुर खत्री, स्याङ्जा वालिङ् नगरपालिका-११ का ३६ वर्षीय साजन थापा, पुतलीबजार नगरपालिका-१ का २६ वर्षीय अजय नेपाली र फेदिखोला गाउँपालिका-२ का ३७ वर्षीय अमृत मिजार रहेका छन् ।
जिल्ला प्रहरी कार्यालय र जिल्ला ट्राफिक प्रहरी कार्यालय स्याङ्जाले सडक दुर्घटना न्यूनीकरण एवं सार्वजनिक यातायातलाई थप सुरक्षित, मर्यादित र भरपर्दो बनाउने उद्देश्यले पुतलीबजार नगरपालिका-१ बसपार्क स्थित सिद्धार्थ राजमार्गमा संयुक्त चेकिङ गरिएकोमा उनीहरुलाई पक्राउ गरिएको हो ।
उक्त राजमार्गमा गुड्ने सवारी साधन चालकहरुको HENSO TEST KIT द्वारा लागूऔषध सेवन गरे नगरेको चेकजाँच गर्दा ६ जना चालकलाई लापसे सेवन गरि सार्वजनिक सवारी साधन चलाएकोमा पक्राउ गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।
पक्राउ परेका चालकहरूले लागूऔषध गाँजा सेवन गरि सवारी साधन चलाएको हुँदा नियन्त्रणमा लिएर `सार्वजनिक हित र नैतिकता विरुद्धको कसुरमा´ मुद्दा दर्ता गरि जिल्ला प्रशासन कार्यालय स्याङ्जाबाट पाँच दिनको म्याद थप गरेर आवश्यक अनुसन्धान अगाडि बढाएको डिएसपी रानाले बताए ।
सम्बन्धित खबर
निर्वाचन र होलीलाई शान्तिपूर्ण बनाउन स्याङजामा प्रशासनको अपिल
चापाकोटमा निर्वाचन सुरक्षाबारे उच्चस्तरीय छलफल, शान्तिपूर्ण मतदानमा जोड
स्याङ्जामा प्रतिनिधिसभा निर्वाचनका लागि करिब दुई हजार कर्मचारी खटाइँदै
वालिङ अस्पतालमा पहिलोपटक शव राख्ने फ्रिज सुविधा थपियो
स्याङ्जामा चुनावी ‘ड्राइ डे’ लागू, नतिजा नआएसम्म मदिरा बिक्रीवितरण तथा सेवनमा अस्थायी रोक
गोरखामा जिप दुर्घटना हुँदा चालकको मृत्यु
यो पनि पढौँ
धादिङ बस दुर्घटना: १९ मृतकको पहिचान खुल्यो, मृतक तीन विदेशी
धादिङमा बस दुर्घटनाः मृतकको सङ्ख्या १९ पुग्यो, २२ बढी घाइते
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
चुनावमा तीन दिन बिदा दिन सरकारलाई आयोगको सिफारिस