स्याङ्जाको अर्जुनचौपारी गाउँपालिका-६ दरौँ बजारमारा स्थित खेलमैदानमा बजारमारा युवा परिवारले आयोजना गरेको साविक वडा स्तरीय पुरुष भलिबल प्रतियोगितामा रिठ्ठा झाक्री युवा क्लब सिमलचौरलाई हराउँदै मिलन युवा क्लब ओरस्टे फाइनलमा प्रवेश गरेको छ ।
मिलन युवा क्लबले रिठ्ठा झाक्री युवा क्लबलाई ३-० को सोझो सेटमा हराएर फाइनलमा प्रवेश गरेको हो । मिलन क्लबले रिठ्ठा झाक्रीलाई २५-२०, २५-१९ र २५-१३ अंकले पराजित गरेको हो ।
यस्तै, आयोजक बजारमारा युवा क्लब `ए´ले सोझो सेटमा आयोजक `बि´लाई हराउँदै फाइनलमा प्रवेश गरेको हो ।
भलिबल प्रतियोगितामा शिल्ड, मेडल र प्रमाणपत्रसहित विजेताले नगद ४५ हजार रुपैयाँ, उपविजेताले २५ हजार रुपैयाँ, तृतीयले १५ हजार र सान्त्वनाले ७ हजार रुपैयाँ पुरस्कार प्राप्त गर्ने क्ल्बका अध्यक्ष अरुण गुरुङले बताए ।
बेस्ट प्लेयर, बेस्ट स्पाइकर, बेस्ट सेटर, बेस्ट ब्लकर र बेस्ट डिफेन्डर गरि विभिन्न पाँच विधामा पनि खेलाडीहरुलाई पुरस्कृत गरिने आयोजकले जनाएको छ ।
नयाँ वर्ष २०८१ को अवसरमा आयोजित चैत्र २४ गतेबाट सुरु भएको भलिबल प्रतियोगितामा १६ टिमको सहभागी रहेको छ ।
सम्बन्धित खबर
बागलुङको अमलाचौर र नारायणस्थानका विद्यालयमा शैक्षिक सामाग्री वितरण
प्रतिभामा लोकतान्त्रिक निर्वाचन प्रक्रियाको अभ्यासः सदनको कप्तान, उपकप्तान चुनावबाटै चयन
१० महिनामा एक लाख ७७ हजार पर्यटकले अन्नपूर्ण क्षेत्रको भ्रमण गरे
मुस्ताङमा दुई भारतीय पर्यटकको हेली उद्धार
तनहुँको घुम्ती–रानीटारी खण्डको नौ किमी स्तरोन्नति गरिँदै
बागलुङको ढोरपाटनमा जीप दुर्घटना हुँदा १६ जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग