पोखरा । ‘मिस नेपाल २०२४’ को यात्रा सुरु भएको छ । सोमबार पोखरामा आयोजित पत्रकार सम्मेलनमा आयोजक संस्था द हिडन ट्रेजरका प्रमुख दिवाकर राजकर्णिकारले क्षेत्रीय ओरियन्टेसन र अडिसन वाटरफ्रन्ट रिसोर्टमा भोलि मंगलबार ३ बजेबाट सुरु हुने जानकारी दिए ।
पत्रकार सम्मेलनमा मिस नेपाल २०२३ श्रीच्छा प्रधान र मिस नेपाल अर्थ २०२२ डा. सरिशा श्रेष्ठ पनि सहभागी थिए । हिडन ट्रेजरका प्रमुख राजकर्णिकारले आवेदन खुला भएको जनाउँदै योग्य र इच्छुक युवतीलाई प्रतिस्पर्धामा सहभागी हुन आग्रह गरे । व्यक्तित्व विकास र सशक्तिकरणको लागि मिस नेपालजस्ता प्लाटफर्मले भूमिका खेल्ने उनले बताए ।
मिस नेपाल श्रीच्छा र मिस नेपाल अर्थ सरिशाले अनुभव सुनाउँदै प्रतिस्पर्धामा आउन युवतीलाई आग्रह गरे। मंगलबार र बुधबार पोखरा अडिसन हुने र छुटेकाले मे १८ मा काठमाडौंमा हुने अडिसनमा सहभागी हुन पाउने हिडन ट्रेजरले जनाएको छ ।
पोखरासंगै २२ अप्रिलमा नेपालगञ्ज, २४ अप्रिलमा सुर्खेत, २८ अप्रिलमा वीरगञ्ज, ५ मेमा बिर्तामोड, ७ मेमा इटहरी, १२ मेमा भैरहवा र १८ मेमा काठमाडौंमा अडिसन हुँदैछन् ।
४ मे अर्थात् जेठ १ गतेसम्म इच्छुक युवतीले आवेदन दिन सक्ने जनाइएको छ । अडिसनबाट छनोट भएकाले फिनालेको लागि प्रशिक्षण तयारीमा भाग लिनेछन् । आगामी अगस्ट ३ मा गोदावरीको सनराइज कन्भेसन सेन्टरमा फिनाले हुने हिडन ट्रेजरले जनाएको छ ।
यस्तै, पोखरा अडिसनलाई पोखरा जेसीजले समन्वय गरेको छ। पोखरा जेसीजका अध्यक्ष देवराज शर्माले सामाजिक क्रियाकलाप अन्तर्गत मिस पोखरालाई निरन्तरता दिने पनि बताए।
भोलिको ओरिन्टेसन र अडिसनलाई भव्य बनाउने गरि कार्य गरेको कार्यक्रम संयोजक श्रीकृष्ण सुनारले जनाए।
सम्बन्धित खबर
राउटे युवक वृषबहादुरको मृत्यु, जनसङ्ख्या १३४ मा झर्यो
संविधान संशोधनबाट राजनीतिक अस्थिरताको सम्बोधन गर्न सकिन्छ: प्रधानमन्त्री ओली
आईएसएमटी जब फेयरमा विद्यार्थीको उत्साहजनक सहभागिता
पेट्रोल, डिजल र मट्टितेलको मूल्य घट्यो
आमा बन्दै अभिनेत्री नन्दिता केसी
दीपक–दीपाको हलको वार्षिकोत्सवमा ‘छक्का पञ्जा ४’ निःशुल्क देखाइने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग