स्याङ्जाको पुतलीबजार नगरपालिका -३ कुमालगाउँस्थित स्याङ्जा अस्पतालमा बाल विशेषज्ञसहित सेवा सुरु भएको छ । जिल्ला अस्पताल स्याङ्जामा बालरोग विशेषज्ञ डा. बिनोद गैरे आएपछि सो सेवा सुरु भएको हो ।
स्याङ्जामा बालविशेषज्ञ नहुँदा यहाँबाट बालबालिका बिरामी भएर पोखरा, पाल्पा लगायतका ठाउँमा उपचारका लागि जाने बाध्यता हटेको स्याङ्जा अस्पतालकी मेडिकल सुपरिटेन्डेन्ट डा. रुक्मिना अधिकारीले जानकारी दिइन् । उनले बाल विशेषज्ञ सहितको सेवा सुरु भएपछि अस्पतालमा बढ्दै गएका बिरामी बालबालिकाको उपचारमा सहज भएको बताइन् ।
बालरोग विशेषज्ञ डा. गैरेले सो सेवा सुरु भएसङ्गै स्याङ्जा अस्पतालमा २८ दिनसम्मको बच्चालाई एनआइसीयु, १४ वर्षसम्मका बालबालिकालाई पीआइसीयु तथा वार्ड, ओपिडी सेवा पाउने बताए । उनले सेवा बिहान ७ बजेबाट नै दिन लागेको बताए ।
बालविशेषज्ञ सहितको सेवा दिन थालेपछी बाल उपचारका लागि विभिन्न ठाँउबाट नागरिकहरु आउने अपेक्षा राखेको अस्पतालले जनाएको छ ।
अहिले अस्पतालले स्त्रीरोग विशेषज्ञ सेवा, ल्याब, दन्तरोग विशेषज्ञ सेवा, माइनर अपरेसनसहितको सेवा दिँदै आइरहेको छ ।
यसैगरी, अस्पतालमा सोडियम पोटासियम टेस्ट, मिर्गौला उपचार सेवा, कलेजोको ब्याक्टेरिया कल्चर सेवा, मुटुको धड्कन जाँच, डिजिटल एक्स-रे, इसिजी लगायतका सेवा चौबीसै घन्टा पाइने गरिन्छ ।
सम्बन्धित खबर
मौन अवधि आज रातिदेखि, प्रचारमा कडाइ
स्याङ्जामा चुनावी सरगर्मी: मतदान अधिकृतलाई चुनाव सामग्री र मतपत्र बुझाइयो
स्याङ्जामा निर्वाचनको अन्तिम तयारी, ३२२ मतदान केन्द्र तयार
स्याङ्जा कारागारका १७ कैदीले मतदान गर्ने
स्याङ्जामा एक हजार ८५९ अस्थायी मतदाता
निर्वाचन र होलीलाई शान्तिपूर्ण बनाउन स्याङजामा प्रशासनको अपिल
यो पनि पढौँ
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
यूएईमा इरानको आक्रमणमा परेर एक नेपालीसहित ३ जनाको मृत्यु
मुस्ताङमा मोटरसाइकल दुर्घटना हुँदा सुनिलको मृत्यु
प्रतिभा माविमा साहित्य, कला र संगीतको मेला