स्याङ्जाको अर्जुनचौपारी गाउँपालिकामा अन्तराष्ट्रिय योग दिवस -२०२४ को अवसरमा योगासहित सरसफाइ कार्यक्रम गरी मनाइएको छ ।

अर्जुनचौपारी गाउँपालिकाको आयोजनामा `आफू र समाजको लागि योग´ भन्ने मुल नारासहित बजार क्षेत्रका आमा समूह, युवा क्लब तथा पालिकाका कर्मचारी लगायतको उपस्थितिमा पालिकाको प्राङ्गणमा योगा कार्यक्रम गरी अर्जुनचौपारी बजारदेखी मजुवा बजारसम्म सरसफाइ गरी विश्व योग दिवस मनाइएको हो ।

कार्यक्रममा अर्जुनचौपारी गाउँपालिका वडा नं. १ का वडा अध्यक्ष रन बहादुर थापाले योग र ध्यानको लागि पालिकाले सधैं प्राथमिकताका साथ अगाडि बढाउने कुरा व्यक्त गरेका थिए ।

त्यस्तै, अर्जुनचौपारी आयुर्वेद शाखाका कबिराज शिव प्रसाद अर्यालले आफू र समाजको लागि योग भन्ने विषयमा प्रशिक्षण दिँदै उचित आहार बिहार र स्वस्थ जिवनशैलीको बारेमा जानकारी दिएका थिए ।

अर्जुनचौपारी गाउँपालिका वडा नं. १ का वडा अध्यक्ष रन बहादुर थापाको अध्यक्षतामा सम्पन्न विश्व योग दिवसको कार्यक्रममा स्वास्थ्य शाखाका सिनियर अहेव अधिकृत सन्तोष पौडेलले स्वागत मन्तव्य व्यक्त गरेका थिए भने बैधे निरीक्षक ललित थापाले सञ्चालन गरेका थिए ।