रक्तदान

सिटिजन फर्निचरमा भएको रक्तदानमा ८८ युनिट रगत संकलन

फर्निचर तथा फर्निसिङ्ग व्यवसायी महासंघ केन्द्र, प्रदेश र जिल्ला समितिको संयुक्त आयोजना

गण्डक न्यूज मङ्गलबार, ८ श्रावण २०८१

८ श्रावण २०८१

पोखरा न्यूरोडस्थित सिटिजन फर्निचर न्यूरोडसँगको सहकार्यमा मंगलबार पोखरामा आयोजित रक्तदान कार्यक्रममा ८८ युनिट रगत संकलन गरेको छ ।

नेपाल फर्निचर तथा फर्निसिङ्ग व्यवसायी महासंघ केन्द्र, प्रदेश समन्वय समिति गण्डकी र जिल्ला समितिले रक्तसञ्चार केन्द्र पोखराको प्राविधिक सहयोगमा भएको रक्तदान कार्यक्रमको महासंघका केन्द्रीय अध्यक्ष युवराज पौडेलले एभरेस्ट एफएम तथा एभरेस्ट आवाज डटकमका प्रधान सम्पादक दीपेन्द्र श्रेष्ठलाई ब्लड व्याग हस्तान्तरण गरेर उद्घाटन गरेका थिए ।

May be an image of 7 people and text

महासंघको नवौं वार्षिकोत्सवको अवसर पारेर “रक्तदान जीवनदान, जीवनदान महादान, रक्तदान गरौं पुण्य कमाऔं” भन्ने नाराका साथ आयोजना गरेको रक्तदान कार्यक्रममा फर्निचर व्यवसायमा आबद्ध व्यवसायी तथा कर्मचारी तथा सर्वसाधारणले रक्तदान गरेको नेपाल फर्निचर तथा फर्निसिङ्ग व्यवसायी महासंघका केन्द्रीय तृतीय उपाध्यक्ष ज्ञानबहादुर नेपालीले जानकारी दिए ।

कार्यक्रममा प्रमुख अतिथि नेपाल फर्निचर तथा फर्निसिङ्ग व्यवसायी महासंघ केन्द्रका अध्यक्ष युवराज पौडेल, कास्की अध्यक्ष पूर्णशोभा गुरुङ, पोखरा महानगरपालिका वडा नम्बर–९ का वडाध्यक्ष दीपेन्द्र मर्सानी, सिटिजन फर्निचरका प्रोपाइटर दीपक कार्कीलगायतले रक्तदानको महत्व र फर्निचर व्यवसायी महासंघले गरेका कार्यहरुबारे बोलेका थिए ।

May be an image of 10 people and text

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।