पोखरामा नव स्थापित रोटरी क्लव अफ पोखरा क्यापिटलको चार्टर प्रेजेन्टेसन तथा पहिलो पदस्थापन कार्यक्रम सम्पन्न भयो ।

रोटरी क्लब अफ पोखरा न्यूरोडको स्पोन्सरमा पोखरामा नयाँ क्लव रोटरी क्लव अफ पोखरा क्यापिटल स्थापना भएको हो । पोखरामा दशौं क्लबको रुपमा यो स्थापना भएको छ ।

पोखरामा रहेका विभिन्न पेशा, व्यवसाय र उमेर समुहका २३ जना संस्थापक सदस्य रहेको यस संस्थामा संस्थापक अध्यक्ष सन्तोष शाही छन् ।

रोटरी क्लब अफ पोखरा न्यूरोडका अध्यक्ष दिपेन्द्र शर्माको अध्यक्षतामा सम्पन्न उक्त कार्यक्रममा प्रमुख अतिथि रोटरी डिस्ट्रिक्ट ३२९२ का गभर्नर राजेन्द्रमान शेरचन र विशेष अतिथिमा निवर्तमान गभर्नर राजेन्द्र प्रसाद ध्वजु उपस्थित थिए ।

कार्यक्रममा गभर्नर रोजेन्द्रमान शेरचनबाट सम्पूर्ण नयाँ सदस्यहरुलाई रोटरीको सपथ गराउनुका साथै पिन हस्तान्तण गरिएको थियो ।

कार्यक्रममा रोटरी ३२९२ का पूर्व गभर्नरहरु सञ्जय गिरी, किरणलाल श्रेष्ठ, सन्तोष रिजाल, जितेन्द्र बहादुर राजभण्डारी, आगामी वर्षका गभर्नर विनोद कोइराला र क्लव एड्भाइजर टुवराज बास्तोलाले शुभकामना मन्तव्य व्यक्त गरे ।

कार्यक्रममा रोटरी डिस्ट्रिक्ट ३२३२ का अफिसरहरु, असिस्टेण्ट गोभर्नर र पोखरा रहेका पुराना ९ ओटा क्लबका अध्यक्ष लगायत रोटरी सदस्यहरुको उपस्थिति रहेको थियो । कार्यक्रममा स्वागत मन्तव्य देवी प्रसाद बस्ताकोटी, धन्यवाद ज्ञापन रमेश बराल र कार्यक्रम सञ्चालन सचिव विजय बरालले गरेका थिए ।

रोटरी क्लबले यहाँका सरकारी तथा गैरसरकारी संघ संस्थाहरु सँग सहकार्य गर्दै मानवसेवाका लागि काम गर्दै आइरहेको छ । रोटरी विभिन्न पेशा, व्यवसायमा लागेका व्यक्तिहरुको विश्वव्यापि सञ्जाल हो जसले मानवहितका लागि काम गर्दछ । विश्वमा शान्ती र बन्धुत्व भावना वृद्धि गर्न सहयोग गर्छ । यो संस्था सन् १९०५ मा स्थापना भएको हो । संसार भरि यसको करिव १४ लाख सदस्य रहेका छन् ।