विश्वमा नै देखिएको वातावरणीय प्रदूषणलाई न्यूनीकरण गरी शान्तिको सन्देश फैलाउने उद्देश्यले पोखरा महानगरपालिका वडा नम्बर २८ का सुरेश आचार्यले आफ्नो साइकल यात्रा जारी राखेका छन् ।

विश्वमा शान्ति र वातावरण संरक्षण प्रवद्र्धन गर्ने विश्व साइकल यात्राको मूख्य उद्देश्य राखेका विश्व साइकल यात्री आचार्यले भारत, म्यानमार, थाइल्यान्ड, कम्बोडिया, भियतनाम, सिंगापुर, ताइवान, दक्षिण कोरिया, युक्रेन लगायतका १८ भन्दा बढी देशहरुको साइकल यात्रा गरिसकेका छन् । आचार्यले यात्राको क्रममा मिडिया, समुदाय, संघसंस्थाहरु एवं सरोकारवालाहरुसँग समन्वय गर्दै विश्वमा शान्ति र वातावरण संरक्षणको सन्देश फैलाउने प्रयास गरेको बताएका छन् ।

औद्योगिकीकरण र सहरीकरणका कारण विश्वमा वातावरण प्रदूषण हुन गएको आचार्यले बताएका छन् । विश्वमा अशान्तिको मुख्य कारण नै अर्थतन्त्र भएको बताउँदै विश्व साइकल यात्री आचार्यले पुँजी, प्रविधि, स्रोत र सूचना जस्ता उत्पादनका साधनका लागि कुनै पनि सीमा नरहने धारणा राख्छन् । उनले यसबाट नेपाल लगायत विश्वका साना एवं अविकसित देशमा दीर्घकालीन आर्थिक असुरक्षा हुन सक्ने बताए ।

विश्वमा सकारात्मक परिवर्तन ल्याउनको लागि साइकल यात्राको अभियान जारी राखेको बताउँदै आचार्य विश्वयमा शान्तिमय वातावरण निर्माणमा चेतना फैलाउनु नै साइकल यात्राको मूख्य उद्देश्य भएको बताउँछन् ।

यात्राको क्रममा संघसंस्था, व्यक्ति विशेषबाट पाएको आर्थिक सहयोग नेपालका असाय बालबालिका, अपांग, आर्थिक रुपमा विपन्न वर्गलाई सहयोग गरेको गाउँले मिडियाका प्रतिनिधिलाई जानकारी दिएका छन् ।