स्याङ्जामा अवैध लागूऔषध सहित पोखराका दुई जना पक्राउ परेका छन् । वालिङ् नगरपालिका -८ केदारनाथ मन्दिर स्थित सिद्धार्थ राजमार्गमा चेकजाँचका क्रममा लागूऔषध सहित दुई जना पक्राउ परेका हुन् ।

वडा प्रहरी कार्यालय वालिङ्बाट खटिएको प्रहरीले चेकजाँचका क्रममा बुटवलबाट पोखरातर्फ आउँदै गरेको लु २ ख ५८४ नम्बरको बसमा सवार कास्की पोखरा महानगरपालिकाका दुईजना पक्राउ परेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।

गत शुक्रबार बिहान ११:३० बजे पोखरा -९ का ३४ वर्षीय सुवास गुरुङ र पोखरा -३ का २२ वर्षीय दिनेश सिंह १९ एम्पुल डाईजेपाम, २० एम्पुल फेनरागन र नोर्फिन २१ एम्पुल सहित फेला परेकोले नियन्त्रणमा लिइएको डिएसपी रानाले बताए ।

नियन्त्रणमा दिइएका दुईजनालाई लागू औषध मुद्दा दर्ता गरी आइतबार स्याङ्जा अदालतबाट म्याद थप गरी आवश्यक अनुसन्धान भइरहेको प्रहरीले जनाएको छ ।