पोखरा वडा नं. १५ नयाँ गाउँमा अवस्थित आइएसएमटी कलेज पोखरामा निःशुल्क स्वास्थ्य शिविर सम्पन्न भएको छ ।

पोखरा वडा नं. १५ कार्यालयको संयोजनमा भएको शिविरको वडा अध्यक्ष तोरण बहादुर बानियाँले उद्घाटन गरेका थिए ।

कार्यक्रमको शुभारम्भ गर्दै वडाध्यक्ष बानियाँले कलेजले आँखा शिविर, रक्तदान जस्तो पवित्र काम गरेकोमा खुशी व्यक्त गरे । विद्यार्थीहरु रक्तदान जस्तो सामाजिक पुण्यको काममा अग्रसर हुनु खुशीको कुरा बताए।

उनले वडामा अवस्थित कलेजहरुमा आइएसएमटीले छुट्टै पहिचान स्थापित गरेको उल्लेख गर्दै वडाकोे गौरवका रुपमा रहेको बताए ।

पोखरा घारीपाटन स्थित हिमालय आँखा अस्पतालको प्राविधिक सहयोगमा भएको आँखा शिविरमा २ सय बढीले लाभ लिए । अस्पतालबाट खटिएको चिकित्सको टोलीले उनीहरुको आँखा जाँच गरी औषधि वितरण गरेका थिए ।

यस्तै, रक्तसञ्चार केन्द्र पोखराको प्राविधिक सहयोगमा आजै भएको रक्तदान कार्यक्रममा २६ युनिट रगत संकलन भएको कलेजका अपरेशन म्यानेजर शिव पौडेलले जानकारी दिए ।

इन्टरनेशनल स्कूल अफ म्यानेजमेन्ट एन्ड टेक्नोलोजी (आइएसएमटी) कलेज नेपालका ५ मूख्य शहरहरुमा सञ्चालनमा रहेको छ ।

आइएसएमटी ग्रुप अन्तर्गत सञ्चालित यस कलेज काठमाडौंको तीनकुनेसहित पोखरा, चितवन, विराटनगर र बुटवलमा अवस्थित छ । आइएसएमटी कलेज बेलायतको प्रख्यात शैक्षिक संस्था युनिर्भसिटी अफ सन्डरल्याण्डबाट सम्बन्धन प्राप्त शिक्षण संस्था हो ।

व्यावहारिक र प्रयोगात्मक ज्ञानलाई विशेष प्राथमिकता दिएका कारण पनि पछिल्लो समय आइएसएमटी कलेजमा विश्वास बढ्दै गएको कलेजको ठहर छ । यस कलेजले नेपाली विद्यार्थीलाई नेपालमै बसेर कम लागतमा बेलायत स्थित युनिर्भसिटी अफ सन्डरल्याण्डको ग्लोबल डिग्री उपलव्ध गराउँदै आइरहेको छ ।

आइएसएमटी कलेज पोखरामा हाल बीएचएम, बिएससी आइटी, बीबीएको पढाई भइरहेको छ । आईटीतर्फ कम्प्युटर सिस्टम ईञ्जिनियरिङ अन्तर्गत इथिकल ह्याकिङ, साइबर सेक्युरिटी, एन्ड्रोइड मोबाइल डेभलपमेन्ट र आर्टिफिसियल इन्टेलेजेन्स (एआई) का कक्षामा भर्ना लिइरहेको छ ।