पोखरा । पोखरा महानगरपालिका, वडा नम्बर ३३ आँपु भन्ज्याङस्थित कालिका माविमा शुक्रबार तिज गीत प्रतियोगिता सम्पन्न भएको छ ।

हरितालिका तिजका अवसरमा वार्षिक शैक्षिक क्यालेन्डर अनुसार सञ्चालित प्रतियोगितामा मञ्जिता गुरुङ, सुनीता केसी, दिव्या सुनार, सफलता शाही र कृतिका केसीको समूह प्रथम भएको थियो । त्यसै गरी, प्रेमिका तामाङ, सुषमा तामाङ, निरुता लोहार र सिर्जना नेपालीको समूह द्वितीय, कृतिका विक, स्वस्तिका नेपाली र अस्मिता विकको समूह तृतीय र सन्ध्या परियार, सुहानी नेपाली, सम्झना नेपाली, दिया गुरुङ र कृतिका विकको समूह सान्त्वना भएका थिए । आधारभूत तह (१–५) मा समीक्षा खत्री, खुसी गुरुङ, शिवानी गुरुङ, सोमन्या गुरुङ र दीक्षा गुरुङको समूह प्रथम तथा सामिया कुँवर, विनिसा पाण्डे, कुसुम नेपाली, जेनी मगर र ओम तामाङको समूह द्वितीय भएका थिए ।

विद्यालयका प्रधानाध्यापक रुपिन्द्र प्रभावी जोशीको अध्यक्षतामा भएको प्रतियोगिताका विजेताहरूलाई शिक्षक–अभिभावक सङ्घका अध्यक्ष लालकाजी गुरुङ र सदस्य बेलबहादुर केसीले पुरस्कार वितरण गरेका थिए । प्रतियोगिताका निर्णायकहरूमा शिवप्रसाद पौडेल, शान्तादेवी घिमिरे र लक्ष्मी गिरी रहेका थिए । शिक्षिका बालकुमारी थापा मगरको सञ्चालनमा भएको कार्यक्रममा कालिका बाल क्लबका सदस्यहरूले स्वागत गीत प्रस्तुत गरेका थिए ।