तनहुँ । तनहुँको म्याग्दे गाउँपालिका वडा नं ४ मनहरीमा मंगलबार बिहान माइक्रोबस र बस ठोक्किदाँ दुई जनाको मृत्यु भएको छ भने ९ जना घाइते भएका छन् ।
पृथ्वीराजमार्ग अन्र्तगत दमौलीबाट पोखरा तर्फ जाँदै गरेको बा ३ ख ४४४२ नम्बरको माइक्रोबस र पोखराबाट सुनौली तर्फ जाँदै गरेको लु १ ख ४१९५ नम्बरको बस एक आपसमा ठोक्किदाँ माइक्रोबसमा यात्रारत दुई जना महिलाको मृत्यु भएको जिल्ला प्रहरी कार्यालय तनहुँका प्रमुख एसपी सिद्धिबिक्रम शाहले जानकारी दिए ।
दुर्घटनामा परी व्यास-११ घर भई हाल व्यास-१ भादगाउँ बस्दै आएकी ३४ वर्षीय सरस्वती कुवाँर र व्यास-४ की ५० वर्षीय चिजामाया श्रेष्ठको दमौली अस्पतालमा उपचारका क्रममा मृत्यु भएको छ । उक्त दुर्घटनामा माइक्रो बसका चालक तुलबहादुर विकसहित ९ जना घाइते भएका छन् । घाइते मध्ये व्यास-२ की ८० वर्षीय बिष्णुकमारी बस्नेतको अवस्था गम्भीर छ ।
घाइतेहरुलाई थप उपचारका लागि पोखरा स्थित गण्डकी मेडिकल कलेजमा १ जना र मणिपाल अस्पातालमा ८ जनाको उपचार भइरहेको छ । घटनाको विषयमा थप अनुसन्धान भईरहेको जिल्ला प्रहरी कार्यालय तनहुँले जनाएको छ । दुर्घटना बिहान सवा ६ बजेको समयमा भएको थियो । दुर्घटनामा माइक्रोको अघिल्लो भागमा क्षति ग्रस्त पुगेको छ ।
तस्बिर : बिकास खनाल
This will close in 4 seconds
सम्बन्धित खबर
विद्यमान परिस्थितिमा नेपालले सन्तुलित कूटनीति अपनाउनुपर्छ: गण्डकी मुख्यमन्त्री पाण्डे
सार्वजनिक स्थलमा धूम्रपान र सूर्ति सेवन नगर्न प्रशासनको आग्रह, उल्लंघन गरे कारबाही हुने
बिलभन्दा बढी सामान बोकेको बोलेरो नियन्त्रणमा
पोखराबाट भरतपुर र नेपालगञ्जसम्मको हवाई उडान स्थगित
बोक्रो फेरिँदैमा भित्री गुदी फेरिँदैन : सांसद रेग्मीलाई अर्जुनचौपारीको व्यंग्यात्मक जवाफ
महालेखा परीक्षक कार्यालयको प्रतिवेदन गण्डकी प्रदेश प्रमुख समक्ष पेस
यो पनि पढौँ
फिर्के खोलाका संरचना जेठ ९ गतेभित्र हटाउन महानगरको अन्तिम चेतावनी
सबै यात्रु पिसाब फेर्न ओर्लिनासाथ जिप भिरबाट खस्यो, चालकको मृत्यु
फेवातालमा पौडी खेल्ने क्रममा डुबेर मृत्यु
रविसँग रास्वपा सांसदका गुनासो, ‘प्रधानमन्त्री र मन्त्रीको सचिवालयले पनि टेरेन’