स्याङ्जा जिल्लाभर १९७ जना क्षयरोगका बिरामी भेटिएका छन् भने सात जना बिरामीको मृत्यु भएको छ ।
प्रदेश जनस्वास्थ्य कार्यालय, पुतलीबजार स्याङ्जाका अनुसार आर्थिक वर्ष २०८१/८२ फागुन मसान्तसम्म एक सय ९७ जनालाई क्षयरोग संक्रमण पुष्टि भएको हो । यस्तै, सात जना बिरामीको मृत्यु भएको कार्यालयले जनाएको छ ।
जिल्लाका एघार पालिकामध्ये सबैभन्दा धेरै वालिङ् नगरपालिकामा क्षयरोगका बिरामी फेला परेको कार्यालय प्रमुख केशव चापागाईंले बताए ।
वालिङ् नगरपालिकामा ४४, चापाकोट नगरपालिकामा ३७, भीरकोट नगरपालिकामा ३१, गल्याङ नगरपालिकामा २८, पुतलीबजार नगरपालिकामा १६, बिरुवा गाउँपालिकामा १६, अर्जुनचौपारी गाउँपालिकामा १०, कालीगण्डकी गाउँपालिकामा ७, फेदीखोला गाउँपालिकामा ४, आँधीखोला गाउँपालिकामा ३ र हरिनास गाउँपालिकामा १ जना क्षयरोगका बिरामी रहेको चापागाईंले बताए ।
यस्तै, यस आर्थिक वर्षको फागुन मसान्तसम्ममा पुतलीबजारका चार, वालिङ्, गल्याङ र आँधीखोलाका एक/एक जना गरी सात जना क्षयरोग संक्रमीत बिरामीको मृत्यु भएको कार्यालयले जनाएको छ ।
सम्बन्धित खबर
रानीथुम्का आधारभूत विद्यालयमा महायज्ञ हुँदै
लामो समयदेखि फरार रहेका दुई प्रतिवादी पक्राउ
अर्जुनचौपारीमा एकदिने स्वास्थ्य शिविर
६ विद्यालयका एक सय १२ विद्यार्थीलाई न्यानो कपडा
अयरपानी होमस्टेमा पर्यटकको चहलपहल बढ्दै
स्याङ्जामा करेन्ट सर्टबाट दुई ठाउँमा आगलागी
यो पनि पढौँ
पोखरा रंगशालामा पनि फ्लडलाइट जडान गरिनेछः कुलमान घिसिङ
पोखरेललाई फकाउँदै ओली- घच्चमच्च भएको भए सरी, विरोधीले लखेटेका बेला साथ खोजेको हुँ
एमालेका युवराज र अष्टलक्ष्मीसहित तीन शीर्ष नेताले सक्रिय राजनीति छाडे
नवनियुक्त ४ मन्त्रीले लिए शपथ, को हुन् नयाँ मन्त्री?