स्याङ्जाको आँधीखोला गाउँपालिकाले शुक्रबार शोक बिदा दिने भएको छ । यहाँको वडा – २ का वडा सदस्य नरबहादुर गोदारको निधन भएकोले शोक बिदा दिइएको पालिकाले जनाएको छ ।

केहि समयदेखि बिरामी रहेका गोदारको उपचारका क्रममा निधन भएको गाउँपालिका अध्यक्ष विश्वनाथ पौडेलले जानकारी दिए । वडा सदस्य गोदारको ५६ वर्षको उमेरमा निधन भएकोप्रति दु:ख प्रकट गर्दै गाउँपालिका अध्यक्ष पौडेलले दिवङ्गत आत्माको चिरशान्तिको कामना गरेका छन् ।

अल्पायुमै भएको दुःखद निधनबाट पालिकाले एक होनहार, कर्मठ, इमानदार र सच्चा जनप्रतिनिधि गुमाएको भन्दै पालिकाले शोक विज्ञप्ति जारी गरी गोदारको निधनले पालिकालाई स्तब्ध बनाएको बताएका छन् । दिवङ्गत गोदारका श्रीमती, तीन छोरी र एक छोरा रहेका छन् ।

गाउँपालिकाको कार्यालय, मातहतका वडा कार्यालय, विषयगत शाखा तथा पालिकाभित्रका सामुदायिक तथा संस्थागत विद्यालय एवं पालिका अन्तर्गतका संघ संस्थाहरुमा शुक्रबारका दिन शोक बिदा दिइएको गाउँपालिकाले विज्ञप्तिमार्फत जनाएको छ ।