काठमाडौँ । काठमाडौँको जयबागेश्वरीबाट जुवातास खेलिरहेको अवस्थामा १ लाख बढि रकमसहित ७ जना पक्राउ परेका छन् ।

पक्राउ पर्नेमा काठमाडौँ महानगरपालिका– ८ जयवागेश्वरी बस्ने अन्दाजी ६६ वर्षीय भिम संगत, ६७ वर्षीय कविन्द्र भण्डारी, ५९ वर्षीय ईश्वरराज भण्डारी, ४५ वर्षीय अनुज संगत, ५६ वर्षीय बुद्धि तामाङ, धादिङ गजुरी गाउँपालिका– ८ घर भइ सोही ठाउँ बस्ने ४३ वर्षीय देवी बहादुर अधिकारी र बागलुङ बेशीखोला गाउँपालिका– १ घर भइ सोही साउँ बस्ने ५४ वर्षीय रेशम सिजाली रहेका प्रहरीले जनाएको छ ।

शनिबार बेलुकी काठमाडौँ– ८ जयबागेश्वरीस्थि तपशुपति क्षेत्र विकास कोषको अमालकोटको पाले सुत्ने घरमा जुवातास खेलिरहेको भन्ने सूचना प्राप्त भइ खटिएको प्रहरी टोलीले उनीहरुलाई पक्राउ गरेको हो ।

प्रहरीले उनीहरुको साथबाट १ लाख ७ हजार नगद र चार बुक ताससमेत बरामद गरेको छ ।

उनीहरुलाई काठमाडौँ जिल्ला अदालतबाट ५ दिनको म्याद थप अनुमति प्राप्त भइ थप अनुसन्धान भइरहेको प्रहरीले जनाएको छ ।