पोखराको वडा नं. १५ स्तरीय अन्तरविद्यालय हाजिरीजवाफ प्रतियोगितामा रेन्बो एकेडेमिक होमा विद्यार्थी प्रथम भएका छन् ।

वडा कार्यालयको आयोजनामा शुक्रबार भएको प्रतियोगितामा प्रथम स्थान प्राप्त गर्दै रेन्बोले ८ हजार नगदसहित प्रमाणपत्र हात पार्न सफल बन्यो ।

कक्षा ८ देखि १० सम्मका विद्यार्थी सहभागी प्रतियोगितामा एसओएस हर्मन माइनरका विद्यार्थी दोस्रो हुँदै नगद ६ हजार जिते ।

यस्तै, विभूति शिक्षा सदन तेस्रो हुँदै ४ हजार र सेन्ट मेरिज विद्यालयले सान्त्वना स्थान प्राप्त गर्दै ३ हजार हात पारेका वडा सचिव युवराज पौडेलले जानकारी दिए । उनका अनुसार वडाभित्रका १२ विद्यालयको सहभागिता रहेको थियो ।

वडाध्यक्ष तोरणबहादुर बानियाँले यस्ता प्रतियोगिताले विद्यार्थीको अन्तरनिहीत क्षमता प्रस्फुटन हुन मद्धत पुग्ने भएकाले वडाले यस्ता कार्यक्रम आयोजना गर्दै आएको बताए । वडाका विद्यालयबीच आपसी सद्भाव वृद्धि हुने अपेक्षा पनि उनले गरे ।

वडा सदस्य आशिष भण्डारीका अनुसार आगामी शुक्रबार कक्षा ५ देखि ७ सम्मका विद्यार्थीबीच अन्तर विद्यालय हाजिरीजवाफ प्रतियोगिताको तयारी गरिएको छ ।