माध्यमिक शिक्षा परीक्षा (एसईई)मा पोखरा वडा नंं ५ पर्स्याङ स्थित शान्ति निकेतन स्कूलका दुई छात्रले ४ जीपीए प्राप्त गरेका छन् ।

शुक्रबार प्रकाशित नतिजा अनुसार शान्ति निकेतनका निश्चल कोइराला र अनुपम पराजुलीले ४ जीपीए प्राप्त गरेको विद्यालयका संस्थापक प्राचार्य डा. महेश्वर पराजुलीले जानकारी दिए । गत वर्ष अदिती पराजुली ग्रेडिङ सिस्टम लागु भएपछि विद्यालयमै पहिलोपटक ४ जीपीए ल्याउने विद्यार्थी बनेकी थिइन् ।

यसपटक विद्यालयकाे नतिजामा झनै सुधार ल्याउन सफल भएको र यस नतिजाले विद्यालय परिवारमा खुशीयाली छाएको डा. पराजुलीले बताए ।

सह-प्राचार्य यदुविलास भुर्त्यालका अनुसार विद्यालयबाट परीक्षामा सहभागी ३९ विद्यार्थीमा शतप्रतिशत उत्तीर्णका साथ सन्तोषजनक नतिजा प्राप्त गरेको छ ।

शान्ति निकेतन २०६७ र २०७१ मा शतप्रतिशत विशिष्ट श्रेणी उत्तीर्ण गराउन सफल भएको विद्यालय हो ।

४ जीपीए ल्याउने निश्चल र अनुपम सानैदेखि उत्कृष्ट र लगनशील विद्यार्थी रहेको विद्यालयले जनाएको छ ।