पोखरा —पोखराको सांगीतिक र सांस्कृतिक क्षेत्रमा विशेष पहिचान बनाएको ‘सफल निरमाया दोहोरी साँझ एण्ड रेष्टुरेन्ट प्रालि’ का कलाकार समूहले २१औं वार्षिकोत्सव समारोहको अवसरमा पोखराको छोरेपाटनमा रहेको मानव सेवा आश्रमलाई २५ हजार रुपैयाँ बराबरको खाद्यन्न सामाग्री सहयोग गरेका छन् |

कलाकार प्रमुख गुप्त गुरुङले आफूहरूले सामाजिक उत्तरदायित्व कायमै राख्दै भविष्यमा पनि यस प्रकारको सहयोग जारी राख्ने बताए ।

‘कलाकारहरूलाई केवल दोहोरीमा मात्र सीमित नरहेको, सामाजिक क्षेत्रमा पनि योगदान गरिरहनुपर्छ भन्ने हाम्रो लक्ष्य हो’, उनले भने।

कार्यक्रममा मुख्य कलाकारहरू टेक क्षेत्री, टस गुरुङ, गुप्त गुरुङ, पाण्डब गुरुङ, किसान नेपाली, मनोज नेपाली, लक्ष्मण ठकुरी, प्रशान्त तामाङ, यम नेपाली, सञ्जय गायक, निकेश बि.क, इन्द्रा गुरुङ, बत्ति थापा मगर, चिना थापा मगर, ललिता पुन, सुनिमा गुरुङ, पुजा तामाङ, निरुता थापा मगर, निशा गुरुङ, सरिता राईलगायतको उपस्थिति रहेको थियो ।