पोखरा । टिभिएसले पोखरामा नयाँ स्कूटर ‘जुपिटर ११०’ सार्वजनिक गरेको छ ।

टिभिएसको आधिकारिक वितरक जगदम्बा मोटर्स र पोखराको आधिकारिक वितरक स्क्वायर मोटर्स प्रालिले बिहीबार पोखरामा एक कार्यक्रम गर्दै स्कूटर लन्च गरेको हो ।

स्क्वायर मोटर्स प्रालिका अध्यक्ष आदर्शमान श्रेष्ठ र प्रबन्ध निर्देशक बिनोज पोतेले स्कूटरको औपचारिक उद्घाटन गरेका थिए ।  टिभीएस जुपिटर एक सय १० सीसी पोखराका सबै अधिकृत टिभीएस डिलरहरूमाट किन्न सकिने छ ।

यसअघि काठमाडौंमा लञ्च भइसकेको छ । स्कुटरको सुरुवाती मूल्य २ लाख ५७ हजार ९०० रुपैयाँ राखिएको छ । जुपिटर ११० अत्याधुनिक इन्जिनसहित नयाँ प्रविधिले सुसज्जित छ ।

कम्पनीका अनुसार यो स्कूटर माइलेज, आराम, सुविधा, सुरक्षा र प्रविधिको सन्तुलनमा आफ्नै खालको प्रतिनिधि बनाउने उद्देश्यसहित ल्याइएको हो ।

नेपालका उपभोक्ताहरूका बदलिँदो रोजाइअनुसार तयार गरिएको यो नयाँ टेक्नोलोजीमा आधारित स्मार्ट स्कुटर हो । विश्वभर ७० लाखभन्दा बढी प्रयोगकर्ताको विश्वास जितिसकेको जुपिटर ब्रान्ड नेपालमा पनि प्रयोगकर्ताको बदलिंदो चाहनाअनुसार पुनः परिकल्पना गरिएको कम्पनीको दाबी छ ।

जुपिटर ११० मा फराकिलो ग्लोभ बक्स, अगाडिबाट तेल हाल्ने सुविधा, लामो सिट, एकै थिचाइमा खोलिने लक सिस्टम, मोबाइल चार्जर, १२ इन्चको पाङ्ग्रा र सन्तुलित व्हीलबेसजस्ता सुविधा समावेश छन् । जसले दैनिक सहरी ट्राफिकमा सहज र सन्तुलित यात्रा अनुभव प्रदान गर्ने कम्पनीको भनाइ छ ।

नेपालमा टिभिएस मोटर कम्पनीको अधिकृत डिलर जगदम्बा मोटर्सले विगतदेखि नै विश्वस्तरीय मोबिलिटी उत्पादनहरूको वितरण गर्दै आएको छ । कम्पनीले देशभर फैलिएको आफ्नो डिलर नेटवर्कमार्फत बिक्री, बिक्रीपछिको सेवा र वास्तविक स्पेयर पाट्स उपलब्ध गराउँदै आएको छ ।