बरिष्ठ लोकदोहोरी गायिका लक्ष्मी न्यौपानेले नयाँ तीज गीत ‘म त मसक्कै’ बजारमा ल्याएकी छिन्। शुक्रबार सार्वजनिक मौलिक तीज गीतले एक लाख भ्यूज बटुलेको छ ।

यसै गीतबाट लक्ष्मीकी छोरी निहारिकाले अभिनयमा डेब्यु गरेकी छन् । सार्वजनिक गीतमा सागर लम्साल, अञ्जली अधिकारी र निहारिका रेग्मीको अभिनय तथा नृत्य देख्न सकिन्छ।

आफ्नै अफिसियल युट्युवमार्फत सार्वजनिक गीतमा लक्ष्मीकै स्वर र संगीत रहेको छ । उनीसहित शारदा न्यौपाने बस्यालको शब्द रहेको गीतमा श्यामश्वेत रसाइलीको संगीत संयोजन छ ।

यो गीत दुई दशकअघि सार्वजनिक भएको चर्चित गीत हो । पुरानै गीतलाई उनले पुनर्जीवन दिएकी हुन् ।

भिडिओमा स्मृति तिमिल्सिना (गुरूआमा) को कोरियोग्राफी तथा निर्देशन छ । बुद्ध थापाले खिचेको भिडिओलाई नवीन घर्ती मगरले सम्पादन गरेका हुन् ।

तीजको रौनकलाई उजागर गर्दै तयार पारिएको यस गीतमा आकर्षक नृत्य र सांगीतिक समायोजनलाई विशेष ध्यान दिइएको छ ।

तीन दशकदेखि गायनमा सक्रिय लक्ष्मीका थुप्रै गीतहरु चर्चित छन् । मै माग्थेँ बालापन, टलटल टलिकनलाई, तीज आयो राजै, झल्को माइतीको, जस्ता हिट तीज गीतहरू हुन् ।

अन्य चर्चित तीज गीतहरूः